اومان : عرب ملک سلطنت اومان کے سلطان قابوس کے انتقال کے بعد ہیثم بن طارق کو اومان کا نیا سلطان بنا دیا گیا، نئے سلطان سلطان قابوس کے چچا زاد بھائی ہیں۔
تفصیلات کے مطابق سلطان قابوس کے انتقال کے بعد شاہی خاندان نے ہیثم بن طارق کو ملک کا نیا سلطان منتخب کرلیا، ہیثم بن طارق سلطان مرحوم کے چچا زاد بھائی ، انھوں نے 2002 سے ثقافت اور قومی ورثے کے وزیر کا منصب سنبھالا ہوا ہے۔
سرکاری ٹی وی نے ہیثم بن طارق کے تقرر کا اعلان کرتے ہوئے کہا ان کا تقرر ریاست کے بنیادی نظام کے تحت عمل میں آیا ہے۔
ہیثم بن طارق نے آکسفورڈ یونیورسٹی سے تعلیم حاصل کی ہے، وہ اومان کی وزارت خارجہ کے سیکرٹری جنرل اور انڈر سیکرٹری کے طور پر بھی خدمات انجام دے چکے ہیں، ان کی عمر 65 سال ہے۔
مزید پڑھیں : سلطنت عمان کے بادشاہ قابوس بن سعید انتقال کر گئے
بعد ازاں ہیثم بن طارق بن تیمور آل سعید نے ایک ہنگامی اجلاس میں ریاست کے نئے سلطان کی حیثیت سے حلف اٹھا لیا۔
یاد رہے آج عرب ملک سلطنت اومان کے سلطان قابوس بن سعید طویل علالت کے بعد انتقال کر گئے تھے، انتقال پر ملک میں تین روزہ سوگ کا اعلان کیا گیا، وہ کافی عرصے سے علیل تھے۔
سلطان قابوس اپنے والد سعید بن تیمور کی وفات کے بعد اومان کے بادشاہ بنے تھے۔