تازہ ترین

حسن نواز اور حسین نواز تین بڑے مقدمات میں بری

اسلام آباد : احتساب عدالت نے سابق وزیرِاعظم میاں...

سوشل میڈیا پر مذہبی و لسانی منافرت پھیلانے والے 462 اکاؤنٹس بند

اسلام آباد : سوشل میڈیا پر مذہبی اور لسانی...

قوم دہشتگردی کے خاتمے تک پاک فوج کے شانہ بشانہ کھڑی ہے، وزیراعظم

اسلام آباد: وزیراعظم شہباز شریف کا کہنا ہے کہ...

حج انتظامات سے متعلق سعودی وزارت حج کی جانب سے تفصیلات جاری

ریاض: سعودی عرب میں عازمین حج کے خیر مقدم کی تیاریاں مکمل کر لی گئیں، سعودی وزارت حج و عمرہ کی جانب سے اس سلسلے میں تفصیلات بھی جاری کر دی گئی ہیں۔

سعودی وزارت حج و عمرہ کا کہنا ہے کہ حج سے متعلق 30 سے زائد اداروں کے تعاون سے اسٹریٹیجک اور آپریشنل منصوبے تیار کیے گئے ہیں، حجاج کرام کے لیے کرونا وائرس سے محفوظ رہائش گاہیں تیار کی گئی ہیں۔

دیگر تفصیلات کے مطابق عرفات کے خیموں کے ساتھ منیٰ اور مزدلفہ کی سہولیات بھی تسلی بخش طریقے سے فراہم کی گئی ہیں، دوران حج صحت مند ماحول کی فراہمی اور معاشرتی فاصلے کو یقینی بنایا جائے گا۔

حکام کا کہنا ہے کہ عازمین حج کو رہائش گاہ سے مطلوبہ مقامات تک لے جانے کے لیے بسوں کا انتظام کر لیا گیا ہے، 50 حاجیوں کی گنجائش والی ایک بس 20 حاجیوں کے لیے مختص کی گئی ہے۔

حکام کے مطابق مملکت میں رہائش پذیر تمام ممالک کے افراد میں 50 سال سے زیادہ عمر والوں کو ترجیح دی جائے گی، جب کہ عازمین حج 17 اور 18 جولائی کو پہنچنا شروع ہوں گے۔

یاد رہے کہ کرونا وائرس کی عالمی وبا کے باعث گزشتہ سال کا حج انتہائی غیر معمولی تھا، ہر سال ادا ہونے والا فریضہ حج انتہائی محدود سطح پر ادا کیا گیا تھا۔

دوسری جانب سعودی وزارت حج و عمرہ کی جانب سے اہم فیصلہ کیا گیا ہے کہ محرم کے ساتھ حج درخواست دینے والی خاتون تنہا درخواست منسوخ نہیں کرا سکتی، بطور محرم حج درخواست دینے والے مرد بھی تنہا اسے منسوخ نہیں کرا سکتے، ارادہ بدلنے کی صورت میں محرم، درخواست گزار دونوں کی درخواست منسوخ ہوگی، خاتون کا محرم شوہر، بھائی، بیٹا اور والد ہو سکتے ہیں۔

Comments

- Advertisement -