The news is by your side.

Advertisement

سرکاری حج اسکیم : درخواستیں چھ مارچ تک وصول کی جائیں گی، ترجمان مذہبی امور

اسلام آباد : سرکاری حج اسکیم میں اب تک ایک لاکھ 16ہزار683درخواستیں وصول ہوچکی ہیں، حج درخواستیں چھ مارچ تک وصول کی جائیں گی۔

تفصیلات کے مطابق سرکاری حج اسکیم میں درخواستوں کی وصولی کا آج چھٹا دن تھا، اس حوالے سے ترجمان وزارت مذہبی امور کا کہنا ہے کہ خراب موسم کے باوجود حج درخواستوں کی وصولی کا سلسلہ جاری ہے۔

اب تک ایک لاکھ 16ہزار6 سو 83حج درخواستیں وصول ہوئی ہیں، درخواست گزاروں کی سہولت کیلئے نامزد بینک کل بھی کھلے رہیں گے۔

ترجمان مذہبی امور کے مطابق اسٹیٹ بینک نے نامزد بینکوں کو ہفتہ اور اتوار کھلے رکھنے کی ہدایت کی تھی، حج درخواستیں چھ مارچ تک وصول کی جائیں گی۔

عوام کی سہولت کیلئے درخواست گزاروں کے کوائف وزارت کی ویب سائٹ پر اپ لوڈ کردئیے گئے ہیں، تمام درخواست گزاروں کو ان کے کوائف ایس ایم ایس بھی کئے جارہےہیں، ترجمان مذہبی امور نے ہدایت کی ہے کہ درخواست گزار کسی بھی غلطی کی صورت میں متعلقہ بینک سے فوری تصحیح کرائیں۔

مزید پڑھیں: سعودی حکومت رضامند، پاکستانی حجاج کے لیے دو بڑی خوش خبریاں

یاد رہے کہ سرکاری اسکیم کے تحت حج درخواستیں حبیب بینک لمیٹڈ،یونائٹیڈ بینک لمیٹڈ، نیشنل بینک آف پاکستان، مسلم کمرشل بینک، الائیڈ بینک لمیٹڈ، زرعی ترقیاتی بینک لمیٹڈ، بینک آف پنجاب، بینک الفلاح ،میزان بینک اور حبیب میٹرو بینک کی شاخوں میں جمع کرائی جاسکتی ہے۔

Comments

comments

یہ بھی پڑھیں