اسلام آباد: ہائیکورٹ نے حج کرپشن کیس میں مجرم سابق وفاقی وزیر مذہبی امور حامد سعید کاظمی کی درخواست ضمانت مسترد کردی۔
اسلام آباد ہائیکورٹ نے حج کرپشن کیس میں سابق وفاقی وزیر حامد سعید کاظمی کی درخواست ضمانت مسترد کردی، ان کے وکیل جاوید اقبال نے سپریم کورٹ سے رجوع کرنے کا عندیہ دیا ہے۔
حامد سعید کاظمی کی درخواست ضمانت پر اسلام آباد ہائیکورٹ نے انتیس جون کو فیصلہ محفوظ کرلیا تھا جو کہ آج چیف جسٹس انور خان کاسی نے سنایا۔
واضح رہے کہ حج کرپشن کیس میں اسپیشل جج سنٹرل نے سابق وفاقی وزیر کو سولہ سال قید کی سزا سنائی تھی، حامد سعید کاظمی نے اس فیصلے کوہائیکورٹ میں چیلنج کرتے ہوئےعید سے قبل ضمانت پر رہائی کی درخواست کی تھی۔
مزید پڑھیں : سابق وزیر مذہبی امورحامد سعید کاظمی کو16 سال قید کی سزا
یاد رہے کہ حج اسکینڈل دو ہزار دس میں سامنے آیا تھا، جس میں حج انتظامات میں بد عنوانی اور بدنظمی کے نتیجے میں پاکستانی حاجیوں کو پیش آنے والی مشکلات پر سپریم کورٹ نے از خود نوٹس لیا تھا۔
سابق وزیر برائے مذہبی امور حامد سعید کاظمی اور وزارت مذہبی امور کے سابق ایڈیشنل سیکریٹری آفتاب احمد پر 2010 کے حج سیزن کے دوران قومی خزانے کو اربوں روپے نقصان پہنچانے کا الزام عائد تھا، اس اسکینڈل کے سامنے آنے کے بعد حامد سعید کاظمی کو وزارت مذہبی امور سے ہاتھ دھونا پڑے تھ
