site
stats
پاکستان

حج کرپشن کیس: مجرم راؤشکیل کا فرنٹ مین گرفتار

اسلام آباد: حج کرپشن کیس میں مجرم راؤ شکیل کے فرنٹ مین احمد فیض کو گرفتار کرلیاگیا،احمد فیض مقدمے کا آخری ملزم ہے.

تفصیلات کے مطابق حج کرپشن کیس کی سماعت اسپیشل جج سیٹرل ملک نذیر نے کی اس موقع پر ایف آئی اے نے عدالت کو بتایا کہ مجرم راؤشکیل کے فرنٹ مین احمد فیض کوگرفتار کرلیاگیا ہے.

اسپیشل جج سیٹرل ملک نذیر نے ملزم کو کل عدالت کے روبرو پیش کرنے کا حکم دیا اور کیس کی سماعت کل تک ملتوی کردی.

یاد رہے گذشتہ دنوں اسلام آباد کے اسپیشل جج سینٹرل ملک نذیر احمد نے حج کرپشن کیس کا فیصلہ سنایا تھا،کرپشن کیس میں سابق وفاقی وزیر مذہبی امور حامد سعید کاظمی کو جرم ثابت ہونے پرسولہ سال قید کی سزا، سابق ڈی جی حج راؤ شکیل کوچالیس سال قید کی سزا جبکہ سابق ایڈیشنل سیکریٹری وزارت مذہبی امور آفتاب احمد کو سولہ سال قید کی سزا سنائی گئی تھی.

عدالتی فیصلے کے بعد تینوں ا فراد کو گرفتار کرکے اڈیالہ جیل منتقل کردیا گیا تھا.

یاد رہے کہ حج اسکینڈل دو ہزار دس میں سامنے آیا تھا،جس میں حج انتظامات میں بد عنوانی اور بدنظمی کے نتیجے میں پاکستانی حاجیوں کو پیش آنے والی مشکلات پر سپریم کورٹ نے از خود نوٹس لیا تھا.

سابق وزیر برائے مذہبی امور حامد سعید کاظمی اور وزارت مذہبی امور کے سابق ایڈیشنل سیکریٹری آفتاب احمد پر 2010 کے حج سیزن کے دوران قومی خزانے کو اربوں روپے نقصان پہنچانے کا الزام عائد تھا.

حج اسکینڈل کے سامنے آنے کے بعد حامد سعید کاظمی کو وزارت مذہبی امور سے ہٹادیا گیاتھا،جبکہ دو ہزارگیا رہ کے اوائل میں انہیں گرفتار کیا گیا اور تقریباً ایک برس جیل میں گذارنے کے بعد انہیں رہا کردیا گیا تھا.

واضح رہے کہ عدالت نے ملزم کے ناقابل ضمانت وارنٹ گرفتاری جاری کیے تھےاحمد فیض مقدمے کا آخری ملزم ہے جس کا ٹرائل جاری ہے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top