تازہ ترین

حکومت کا پیٹرولیم مصنوعات کی قیمتوں میں کمی کا اعلان

اسلام آباد: حکومت نے پیٹرولیم مصنوعات کی قیمتوں میں...

دہشت گردوں، سرپرستوں اور سہولت کاروں کو بخشا نہیں جائے گا، آرمی چیف

راولپنڈی: آرمی چیف جنرل سید عاصم منیر کا کہنا...

مستونگ خودکش حملہ: سب کے پیچھے ’را‘ ملوث ہے، نگراں وزیر داخلہ

کوئٹہ: نگراں وزیر داخلہ سرفراز بگٹی نے دعویٰ کیا...

نگراں حکومت کے دور میں پہلی مرتبہ پٹرول اور ڈیزل سستا ہونے کا امکان

اسلام آباد: نگراں حکومت کے دور میں پہلی مرتبہ...

عازمین حج کی خدمات میں کوئی کوتاہی نہیں: سعودی حکام

ریاض: رواں برس حج کے لیے آنے والے عازمین کا ہر سال کی طرح اس سال بھی شاندار استقبال کیا جارہا ہے اور انہیں بھرپور سہولیات فراہم کی جارہی ہیں۔

اردو نیوز کے مطابق سعودی وزیر اسلامی امور و دعوت و رہنمائی شیخ ڈاکٹر عبد اللطیف آل الشیخ کا کہنا ہے کہ عازمین حج کی خدمات میں کوتاہی کرنے والے کسی بھی اہلکار کے ساتھ کوئی رعایت نہیں کی جائے گی۔

آل الشیخ نے یہ بھی کہا کہ حج سیزن کے دورن تمام اہلکاروں کی کارکردگی پر نظر رکھنے کے لیے نگران ٹیمیں تعینات کردی گئی ہیں جو 24 گھنٹے ڈیوٹی پر ہیں، مملکت سے آخری حاجی کی روانگی تک نگرانی جاری رکھی جائے گی۔

آل الشیخ نے مذکورہ انتباہ منیٰ، مزدلفہ اور عرفات میں اپنی وزارت کے اداروں کے دورے کے موقع پر جاری کیا، وہ وزارت اسلامی امور میں حج، عمرہ و زیارت خدمات کی اعلیٰ کمیٹی کے سربراہ بھی ہیں۔

آل الشیخ نے اپنے دورے کا آغاز عرفات کی مسجد نمرہ، وہاں وزارت کے صدر دفتر اور دعوۃ کیبنز سے کیا، وہ مزدلفہ میں مسجد المشعر الحرام کے انتظامات دیکھنے کے لیے پہنچے تھے۔

انہوں نے منیٰ میں مسجد الخیف کا بھی دورہ کیا۔

آل لشیخ نے کہا کہ مکہ مکرمہ ریجن میں اصلاح و مرمت کا کام 100 فیصد مکمل ہو چکا ہے، اس حوالے سے ہمیں مطلوبہ بجٹ قیادت کی جانب سے دیا گیا ہے۔

آل الشیخ نے کہا کہ ہماری وزارت نے حجاج کو ان کی اپنی زبان میں دینی و حج آگہی فراہم کرنے کے لیے دگنی تعداد میں مبلغ اور مترجم مہیا کیے ہیں، ترجمے اور دعوت کا کام خواتین سے بھی لیا جا رہا ہے۔

وزارت نے ٹیلی فون کے ذریعے 32 ملین آگہی پروگراموں کی بھی منظوری دی ہے، ایس ایم ایس کے ذریعے بھی دعوتی پیغامات دیے جا رہے ہیں اور کیبنز کے ذریعے بھی حج آگاہی کا اہتمام کیا جا رہا ہے۔

Comments

- Advertisement -