site
stats
پاکستان

حجاج کرام کی پہلی پرواز جدہ سے لاہورایئرپورٹ پہنچ گئی

لاہور : نجی ایئر لائن کی پہلی حج پروازتین سو سے زائد حاجیوں کو لے کر جدہ سے لاہور پہنچ گئی، لاہورایئرپورٹ پر حاجیوں کا پرتپاک استقبال کیا گیا۔

اس موقع پررقت آمیز مناظر دیکھنے میں آئے، حجاج کرام سانحہ منٰی پر افسردہ نظر آئے۔ عینی شاہدین کا کہنا ہےکہ حادثے کے وقت لوگوں کا بہت رش تھا۔

تفصیلات کے مطابق تین سو سے زائد حجاج کرام کی پہلی پرواز جدہ سے لاہور پہنچ گئی۔

نجی ایئرلائن کی پرواز جدہ سے لاہور ایئرپورٹ پہنچی تو ان کے اہل خانہ اور رشتہ داروں کی بڑی تعداد استقبال کیلئے ایئرپورٹ پر موجود تھی۔

حجاج کرام حج کی سعادت حاصل ہونے پر انتہائی خوش لیکن سانحہ منٰی کے حوالے سے غمزدہ بھی تھے۔

ایک عینی شاہد کا کہنا تھا کہ وہ سانحہ کے وقت منٰی میں موجود تھا، دل خراش مناظر کو وہ کبھی بھلا نہیں پائے گا۔

واضح رہے کہ پی آئی اے کی پہلی حج پرواز آج شب لاہور پہنچے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top