The news is by your side.

Advertisement

حج کرپشن اسکینڈل کیس،اسلام آباد ہائیکورٹ کے فریقین کونوٹسز

اسلام آباد: ہائیکورٹ میں سابق وفاقی وزیرحامد سعید کاظمی کیس کے وکیل لطیف کھوسہ نے عدالت سےدرخواست کی ہے کہ پہلے انہیں سناجائے پھرفیصلہ کیا جائے۔

وکیل لطیف کھوسہ نے عدالت میں موقف اختیار کیا کہ ماتحت عدالت نے انہیں صحیح طور سے سنا ہی نہیں اورفیصلہ دےدیا، انہوں نے ہائیکورٹ سے استدعا کی  کہ عدالت پہلے ان کے موکل کے موقف کو سنے اور پھرکیس کا فیصلہ دے، کیس کی سماعت جسٹس انورخان کاسی کررہے تھے۔

وکیل نے کہا حاجیوں کےلئے کوارٹرز کا بندوبست حامد سعیدکاظمی کے زیر دست نہیں تھا، ڈی جی حج کی تعیناتی کانوٹیفکیشن بھی وفاقی وزیر نے نہیں بلکہ اس وقت کے وزیراعظم نے جاری کیا تھا۔

واضح رہے کہ اسلام آباد کے اسپیشل جج سینٹرل ملک نذیر احمد نے حج کرپشن کیس کا فیصلہ سنایا تھا،جس میں کرپشن کیس میں سابق وفاقی وزیر مذہبی امور حامد سعید کاظمی کو جرم ثابت ہونے پر 16 سال قید کی سزا، سابق ڈی جی حج راؤ شکیل کو 40 سال قید کی سزا جبکہ سابق ایڈیشنل سیکریٹری وزارت مذہبی امور آفتاب احمد کو 16 سال قید کی سزا سنائی تھی۔

Print Friendly, PDF & Email

Comments

comments

یہ بھی پڑھیں