عازمینِ آج حج کا رکن اعظم وقوف عرفات ادا کریں گے -
The news is by your side.

Advertisement

عازمینِ آج حج کا رکن اعظم وقوف عرفات ادا کریں گے

مکہ مکرم: عازمین آج حج کا رکن اعظم وقوف عرفات ادا کررہے ہیں، حج بیت اللہ کی ادائیگی کیلئے لاکھوں عازمین حج نماز فجر کے بعد حج کے رکن اعظم کی ادائیگی کیلئے عرفات روانہ ہوگئے ،جہاں وہ خطبہ حج سنیں گے

رنگ و نسل ، زبان اور خطے کی قید سے آزاد اسلامی مساوات کی مثال بنے عازمین کے سفر حج کی انتہا کا دن آ گیا ہے، لاکھوں فرزندانِ اسلام آج حج کی سعادت حاصل کررہے ہیں، خیموں کے منفرد شہر منیٰ میں قیام پذیر عازمین حج کا رکن اعظم وقوف عرفات آج ادا کریں گے، سعودی عرب کے مفتی اعظم مسجد نمرہ میں حج کا خطبہ دیں گے۔

عازمینِ حج ظہر اور عصر کی نمازیں عرفات میں اکٹھی ادا کریں گے،  سارے دن میدان عرفات میں قیام کے بعد حجاج کرام مزدلفہ روانہ ہوں گے، جہاں نماز مغرب اور عشاء ملا کر ادا کریں گے،  کھلے آسمان تلے رات گزاریں گے اور رمی کے لیے کنکریاں چنیں گے۔

دس ذی الحج کو طلوع آفتاب کے بعد عازمین حج منیٰ لوٹیں گے جہاں وہ بڑے شیطان کو کنکریاں ماریں گے اور جانوروں کی قربانی کے بعد سر منڈوا کر اپنے احرام کھول دیں گے، حجاج خانہ کعبہ جا کر طواف زیارت کریں گے اور شکرانے کے نفل ادا کر کے منیٰ واپس لوٹ جائیں گے۔

گزشتہ روز مناسک حج کی ادائیگی کا آغاز ہوا، منٰی میں بارش کے باوجود عازمین کے جذبے میں جوش تھا۔ برستی بارش میں عازمین نے رات منیٰ میں قیام کیا اور نماز فجر کے بعد میدان عرفات کی جانب روانہ ہوئے۔

Comments

comments

یہ بھی پڑھیں