The news is by your side.

Advertisement

حاجرہ یامین اور فہد شیخ‌ کی تصاویر وائرل

شوبز انڈسٹری کی معروف اداکارہ حاجرہ یامین کی معروف اداکار کے ساتھ تصاویر سوشل میڈیا پر وائرل ہوگئیں۔

اے آر وائی ڈیجیٹل کے ڈرامے ’جلن‘ اور ’میرے اپنے‘ میں شاندار اداکاری کرکے مداحوں کے دلوں میں گھر کرنے والی اداکارہ حاجرہ یامین نے فوٹو اور ویڈیو شیئرنگ ایپ انسٹاگرام پر نئی تصاویر شیئر کردیں۔

حاجرہ نے گزشتہ روز یہ تصاویر شیئر کیں جنہیں ہزاروں کی تعداد میں صارفین دیکھ چکے ہیں اور اس پر اپنی رائے کا اظہار بھی کررہے ہیں۔

تصاویر میں دیکھا جاسکتا ہے کہ حاجرہ اداکار فہد شیخ کے ہمراہ خوشگوار موڈ میں دکھائی دے رہی ہیں۔

انہوں نے تصاویر کے ساتھ کیپشن میں لکھا کہ ’شیخ اور میں۔‘ حاجرہ یامین نے یہ نہیں بتایا کہ یہ تصویر کسی ڈرامے کے سیٹ سی لی گئی ہے یا پھر دونوں نے یوں ہی یہ تصویر کھنچوائی ہے۔

اداکارہ نے تصویر شیئر کرتے ہوئے ہیش ٹیگ ویڈنگ سیزن، فہد شیخ اور دوست کا استعمال کیا۔

واضح رہے کہ حاجرہ یامین اور فہد شیخ نے ڈرامہ سیریل ’جلن‘ میں مرکزی کردار ادا کیا تھا، حاجرہ ڈرامے میں فہد شیخ کی اہلیہ (اریج) کا کردار نبھایا تھا جسے مداحوں کی جانب سے خوب سراہا گیا تھا۔

Comments

یہ بھی پڑھیں