site
stats
پاکستان

بچی کے ساتھ مبینہ زیادتی: حلیم عادل شیخ کی ہیرو بننے کی ناکام کوشش

کراچی : ابراہیم حیدری کے نجی اسکول میں چوکیدار کی بچی کے ساتھ مبینہ زیادتی کے ناخوشگوار واقعہ پر پی ٹی آئی رہنما حلیم عادل شیخ سستی شہرت اور ہیرو بننے کے لیے پولیس مین بن گئے۔

تفصیلات کے مطابق تحریک انصاف سندھ کے رہنما حلیم عادل شیخ نے ہیرو بننے کی کوشش میں غیر قانونی حرکت کر ڈالی، پولیس موبائل میں چڑھ کر مبینہ زیادتی کے ملزم کا گلا دباتے اور اسے بغیر کسی ثبوت کے برا بھلا کہتے رہے۔

ویڈیو دیکھیں

اے آر وائی نیوز کو موصول ہونے والی اس ویڈیو میں دیکھا جا سکتا ہے کہ اہلکاروں نے جس پولیس وین میں اسکول چوکیدار کو بٹھایا تھا اس میں حلیم عادل شیخ بھی چڑھ گئے اور ہیرو بننے کی کوشش کرتے ہوئے چوکیدار کا گلا دبا کر منہ سے جھاگ اڑاتے ہوئے اس پر لعنت ملامت کرتے رہے۔

یاد رہے کہ مذکورہ چوکیدار قصور وار ہے بھی یا نہیں اس کا فیصلہ تو پولیس اور عدالت کو کرنا ہے، یہاں یہ سوال بھی پیدا ہوتا ہے کہ حلیم عادل شیخ پولیس وین میں کیسے سوار ہوئے؟ اور ان کا وہاں کیا کام ہے؟

پولیس کی تحویل میں ہونے کے باوجود پی ٹی آئی رہنما مبینہ ملزم کا گلا کیوں دباتے رہے؟ اس موقع پر پولیس اہلکار بھی ویڈیو بننے کا سارا تماشا دیکھتے رہے۔


مزید پڑھیں: اسکول میں بچی سے مبینہ زیادتی کی کوشش، چوکیدار گرفتار


یاد رہے کہ کراچی کے علاقے ابراہیم حیدری میں اسکول کی3سالہ طالبہ سے مبینہ زیادتی کی کوشش ناکام بنادی گئی، علاقہ مکینوں نے بچی کے شور شرابے پر ملزم کو پکڑ لیا اور تشدد کے بعد رینجرز کے حوالے کردیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top