The news is by your side.

Advertisement

عمران خان دنیا کے عظیم لیڈر ثابت ہوئے، پاکستان کا معیار بلند ہوا ہے، حلیم عاد ل شیخ

کراچی : پاکستان تحریک انصاف سندھ کے صدر و پارلیمانی لیڈر حلیم عادل شیخ نے کہا ہے کہ پی ٹی آئی کی حکومت آنے کے بعد پاکستان کا معیار بلند ہوا ہے۔

ان خیالات کا اظہار انہوں نے سندھ کے مختلف اضلاع سے آنے والے رہنماﺅں اور کارکنوں کے وفد سے گفتگو کرتے ہوئے کیا، انہوں نے کہا کہ وزیر اعظم عمران خان دنیا کے عظیم لیڈر ثابت ہوئے ہیں۔

مہنگائی کا رونا رونے والے مخالفین عوام کو یہ بھی بتائیں کہ پیپلزپارٹی اور ن لیگ کی حکومت کے پہلے سال میں کتنی مہنگائی ہوئی تھی جبکہ پی ٹی آئی کے حکومت میں پچھلے ادوار سے کم مہنگائی ہوئی ہے۔

حلیم عادل شیخ نے مزید کہا کہ عوام کو گمراہ کرنے کے لئے مخالفین اوچھے ہتھکنڈے استعمال کر رہے ہیں، پیپلزپارٹی اور نواز لیگ ملک و قوم کے مفاد میں نہیں تھے ملک کا سارا پیسہ لوٹ کر اپنے بچوں کو باہر ملک بھیج دیا۔ ا ب جب احتساب ہورہا ہے تو ان کو عوام کی فکر کھائے جارہی ہے۔ عوام کے مفاد میں ہوتی تو آج قوم کا ہر فرد مقروض نہ ہوتا۔

سندھ حکومت پر تنقید کرتے ہوئے پی ٹی آئی رہنما نے کہا کہ پیپلزپارٹی اور ن لیگ کے لیڈران اپنے اعمال کی وجہ سے دنیا میں رسوا ہورہے ہیں، سندھ سے پیپلزپارٹی کا خاتمہ ہوچکا ہے۔

پیپلزپارٹی سندھ کی تباہی کی ذمہ دار ہے۔ سندھ کی عوام پیپلزپارٹی کے ساتھ نہیں ہے، دولت کی طاقت پر کھڑے مینار زیادہ دن نہیں چل سکتے۔

Comments

یہ بھی پڑھیں