The news is by your side.

Advertisement

بھارت کو کشمیر میں اسرائیلی قانون نافذ کرنے کی سازش نہیں کرنے دیں گے، حلیم عادل شیخ

کراچی : پاکستان تحریک انصاف سندھ کے صدر و پارلیمانی لیڈر حلیم عادل شیخ نے کہا ہے کہ بھارت کشمیریوں کو اقلیت میں تبدیل کرنے کی ناکام کوشش کررہا ہے، کشمیر میں اسرائیلی قانون نافذ ہونے نہیں دیں گے،حق خود ارادیت کشمیری عوام کا حق ہے۔

ان خیالات کا اظہار انہوں نے سندھ اسمبلی کے باہر میڈیا سے بات چیت کرتے ہوئے کیا انہوں نے کہا آج سندھ بھر میں پاکستان تحریک انصاف کی کال پر بھارت کی جانب سے کشمیری عوام پر مظالم کے خلاف عوام نے احتجاج کر کے کشمیری عوامی سے اظہار یکجہتی کیا ہے۔

بھارت کی جانب سے کشمیریوں کو اقلیت میں تبدیل کرنے کی ناکام کوشش اور کشمیری عوام پر مظالم سے اس کا مکروہ چہرہ سامنے آگیا ہے، اپنے قانون سے بھارت عوامی رائے عامہ تبدیل نہیں کر سکتا۔ پاکستان کل بھی کمشیریوں کے ساتھ تھا آج بھی کشمیری عوام کے ساتھ ہے۔

مسئلہ کشمیر مزید پیچیدہ ہوچکا ہے، بھارت بہت خطرناک کھیل کھیل رہا ہے، بھارت کی غلط فہمی ہے کہ اس مسئلے کو دبا دے گا، بھارت مسلسل لائن آف کنٹرول کی خلاف ورزی کر رہا ہے جس کا منہ توڑ جواب دیا جائے گا، پاکستان کے پاس ہر قسم کا مقابلہ کرنے کی صلاحیت موجود ہے۔ ہماری افواج اور پاکستان کی قوم ایک پیج پر ہے۔

انہوں نے کہا کہ مسئلہ کشمیر اقوام متحدہ کی قرارداتوں کے مطابق حل کرنا ہوگا، کشمیر یہ پوری ایشیا کے امن امان کا معاملہ ہے۔ بھارت نے قانون کی خلاف ورزی کر کے انسانی آبادی پر کلسٹر بموں کا استعمال کیا ہے، بھارت کے مظالم کی سخت مذمت کرتے ہیں۔

امریکی صدر ٹرمپ نے ثالثی کی پیشکش کی تھی مگر بھارت بضد ہے جس سےبھارت کا بڑا نقصان ہوگا۔ کمشیر میں اسرائیلی قانون نافذ ہونے نہیں دیں گے، دنیا بھر میں کشمیری اصطراب کی کیفیت میں ہیںِ بھارت ترامیم سے کشمیری عوام کی رائے نہیں بدل سکتا۔

بھارت نے اقوام متحدہ کے وعدے کی خلاف ورزی کی ہے، مقبوضہ کشمیر کے سیاسی رہنماﺅں کو گرفتار کر لیا گیا ہے ان پر مظالم کئے جارہے ہیں۔ بھارت کی غلط فہمی ہے کہ معاملے کو دبالے گا۔

 

Comments

comments

یہ بھی پڑھیں