حماس نے غزہ حکومت قومی کمیٹی کے حوالے کرنے کی تیاری مکمل کر لی۔
حماس کے ترجمان حازم قاسم کا کہنا ہے کہ گروپ نے غزہ کی انتظامیہ قومی کمیٹی کے حوالے کرنے کے لیے "حکومتی اور انتظامی اداروں کے ساتھ تمام ضروری طریقہ کار اور انتظامات” مکمل کر لیے ہیں۔
قاسم نے کہا کہ فلسطینی دھڑوں، قبیلوں اور سول سوسائٹی کے نمائندوں پر مشتمل ایک کمیٹی حوالگی کے عمل کی نگرانی کرے گی۔
حماس غزہ کا انتظام فلسطینی ٹیکنوکریٹ کمیٹی کے حوالے کرنے پر آمادہ ہوگئی
ان کا کہنا تھا کہ ہم تمام فریقین سے مطالبہ کرتے ہیں کہ وہ پٹی پر اسرائیلی جنگ کے دو سال بعد بحالی کے عمل کو شروع کرنے کے لیے کمیٹی کے کام میں سہولت فراہم کریں۔
15 رکنی فلسطینی ٹیکنو کریٹک باڈی امریکہ کی ثالثی میں "جنگ بندی” کے معاہدے کی شرائط کے تحت حکمرانی سنبھالنے والی ہے۔
NCAG، جس کی سربراہی فلسطینی اتھارٹی کے سابق نائب وزیر علی شات کر رہے ہیں ان کے غزہ پہنچنے کی توقع ہے کیونکہ رفح کراسنگ کو محدود پیمانے پر کھول دیا گیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں