غزہ: حماس نے اسرائیلی خاتون کو 2 بچوں سمیت رہا کر دیا، مزاحمتی گروپ کی جانب سے ویڈیو بھی جاری کر دی گئی۔
الجزیرہ کے مطابق حماس نے ایک ویڈیو جاری کی ہے جس میں غزہ کی پٹی کے قریب ایک باڑ والے علاقے میں ایک خاتون اور دو بچوں کو رہا کرتے ہوئے دکھایا گیا ہے۔
یہ ویڈیو حماس کی القسام بریگیڈز نے جاری کی ہے، بدھ کی شب الجزیرہ پر نشر ہونے والی اس فوٹیج کو دور سے شوٹ کیا گیا ہے، جس میں نامعلوم خاتون اور بچوں کو دکھایا گیا تھا۔
بتایا جا رہا ہے کہ ان افراد کو حماس کے جنگجوؤں نے اسرائیل اور غزہ کے درمیان سرحد پر چھوڑا، تاہم یہ واضح نہیں ہے کہ یہ ویڈیو کب کی بنائی گئی ہے، تاہم اسرائیل نے اس ویڈیو کو ’’ڈراما‘‘ قرار دے کر مسترد کر دیا ہے۔
BREAKING: According to reports, Hamas has released some of their captives.
An Israeli woman and her two children.
Alleged footage of the release played out on Arabic news bulletin.#Gaza #Israel #Palestine pic.twitter.com/K5dd9g3YQE
— Robert Carter (@Bob_cart124) October 11, 2023
عرب میڈیا کے اسرائیلی فوجی ترجمان نے عربی میں کہا کہ اسرائیل بغیر کسی روک ٹوک کے حماس پر سخت حملہ کرتے رہیں گے۔
غزہ میں دستیاب کھانا ایک ہفتے میں ختم ہو جائے گا، ورلڈ فوڈ پروگرام نے صورت حال تباہ کن قرار دے دی
دوسری طرف حماس کے مسلح ونگ القسام بریگیڈز نے ایک بیان میں کہا ہے کہ مذکورہ خاتون اسرائیلی شہری تھیں، خبر رساں ادارے اے ایف پی کی رپورٹ کے مطابق بیان میں کہا گیا ’’ایک اسرائیلی آباد کار اور اس کے دو بچوں کو جھڑپوں کے دوران حراست میں لینے کے بعد رہا کر دیا گیا۔‘‘
واضح رہے کہ مزاحمتی تحریک حماس نے دنیا بھر میں اپنا امیج بہتر بنانے کے لیے اسرائیلی خاتون اور بچوں کو رہا کیا۔ ایک اندازے کے مطابق ہفتے کے روز حماس نے اسرائیل پر اپنے غیر معمولی حملے کے دوران 150 اسرائیلیوں کو یرغمال بنایا تھا۔
