حماس کا کہنا ہے کہ اس نے بن گوریون ہوائی اڈے کو نشانہ بنایا ہے۔
بن گوریون ایئرپورٹ اسرائیلی دارالحکومت تل ابیب کے قریب واقع ہے جو ملک کا اہم ترین ہوائی اڈا ہے۔
حماس کے مسلح ونگ القسام بریگیڈ کا کہنا ہے کہ اس نے بن گوریون ہوائی اڈے کی طرف راکٹ فائر کیے ہیں۔
ہوائی اڈے کے ترجمان نے الجزیرہ کو بتایا کہ بین گوریون کو کوئی نقصان نہیں پہنچا۔
اپنے سرکاری ٹیلیگرام چینل پر ایک الگ پیغام میں مسلح گروپ نے کہا کہ اس نے تل ابیب کو بھی نشانہ بنایا ہے۔ اسرائیلی براڈکاسٹنگ کارپوریشن نے اطلاع دی ہے کہ تل ابیب کے مضافات میں گش دان کے علاقے میں سائرن کی آوازیں سنائی دے رہی ہیں۔
حماس کے مسلح ونگ نے عسقلان پر راکٹ فائر کیے ہیں۔ القسام بریگیڈ کے ترجمان نے اسرائیلی قصبے عسقلان کے رہائشیوں کو وہاں سے نکلنے کی مہلت دی تھی۔
ترجمان ابوعبیدہ نے کہا تھا کہ دشمن کی طرف سے ہمارے لوگوں کو بے گھر کرنے اور غزہ کی پٹی کے متعدد علاقوں میں انہیں اپنے گھروں سے نکلنے پر مجبور کرنے کے جرم کے جواب میں ہم مقبوضہ شہر عسقلان کے رہائشیوں کو آج شام پانچ بجے سے پہلے نکل جانے کی ڈیڈ لائن دے رہے ہیں۔
