The news is by your side.

Advertisement

پاکستان میں تیار اسمارٹ موبائل کی برآمدات شروع ہونے والی ہیں، حماد اظہر

اسلام آباد : وفاقی وزیرِ صنعت و پیداوار حماد اظہر کا کہنا ہے کہ کنسٹرکشن سیکٹر کیلئے منفرد پیکج کے ساتھ الیکٹرک وہیکل،موبائل مینوفیکچرنگ کی پالیسی لے کر آئے، اب پاکستان میں تیار اسمارٹ موبائل کی برآمدات شروع ہونے والی ہیں۔

تفصیلات کے مطابق وفاقی وزیرِ صنعت و پیداوار حماد اظہر نے پریس کانفرنس کرتے ہوئے کہا کوروناعروج پر تھا توسپلائی میں کسی قسم کی رکاوٹ نہیں آئی، ٹیکس فری بجٹ دیا گیا، ود ہولڈز ٹیکس میں کمی کی، ہم تعمیراتی شعبے کے لئے پیکجز لے کر آئے۔

حماداظہر کا کہنا تھا کہ مقامی اسمارٹ موبائل کی برآمدات شروع ہونے والی ہیں، کورونا کے دوران سپلائی چینز ،سپلائی روٹس کو بحال رکھا گیا، اسمارٹ لاک ڈاؤن پالیسی کے تحت فیزز میں انڈسٹری کو کھولا گیا۔

وفاقی وزیرِ صنعت و پیداوار   نے کہا کہ چھوٹے کاروباروں کے تین ماہ کے بجلی کے بل معاف کیا گیا ، کنسٹرکشن سیکٹر کیلئے منفرد پیکج کے ساتھ ساتھ الیکٹرک  وہیکل،موبائل مینوفیکچرنگ کی پالیسی لے کر آئے۔

ان کا کہنا تھا کہ پاکستان میں تیار موبائل فون کی جلد ایکسپورٹ شروع ہو گی، کئی انڈسٹریز کو کئی سالوں سے سرد خانے میں چھوڑا گیا تھا ، پاکستان اسٹیل مل 236 ارب کے قرضے پر کھڑی ہے ، فرٹیلازر سیکٹر میں بھی تیزی آئی اور 2 پلانٹ آپریشنل کئے ہیں۔

حماداظہر نے مزید کہا کہ الیکٹرک وہیکل اورموبائل مینو فیکچر پالیسی لیکر آئے ، فرٹیلائزرز سیکٹر میں تیزی آئی ،شوگر کارٹیل کیخلاف انکوائری ہوئی ، ایف اے ٹی ایف کے 27 میں سے 14   آئٹمز کو  مکمل کر لیا۔

Comments

یہ بھی پڑھیں