شوبز کی معروف جوڑی حمزہ علی عباسی اور نیمل خاور کی تصاویر مداحوں کو بھا گئیں۔
فوٹو اور ویڈیو شیئرنگ ایپ انسٹاگرام پر اداکارہ نیمل خاور نے شوہر و اداکار حمزہ علی کے ساتھ نئی تصاویر شیئر کیں جسے ان کے مداحوں کی جانب سے سراہا جارہا ہے۔
نیمل خاور نے تصاویر شیئر کرتے ہوئے کیپشن میں لکھا کہ ’میٹھا سا نومبر۔‘ تصاویر میں حمزہ علی عباسی اور نیمل خاور عباسی کو خوشگوار موڈ میں دیکھا جاسکتا ہے۔
نیمل خاور نے چند گھنٹوں قبل یہ تصاویر شیئر کیں جس اب تک ہزاروں صارفین دیکھ چکے ہیں اور ان پر اپنی رائے کا اظہار بھی کررہے ہیں۔
واضح رہے کہ نیمل خاور سوشل میڈیا پر کافی متحرک رہتی ہیں اور اکثر فیملی فوٹو شیئر کرتی رہتی ہیں، اس سے قبل انہوں نے ننھے مصطفیٰ عباسی کے ساتھ تصاویر شیئر کی تھیں جو سوشل میڈیا پر وائرل ہوگئی تھیں۔
یاد رہے کہ اداکار حمزہ علی عباسی اور نیمل خاور 2019 کو رشتہ ازدواج میں منسلک ہوئے۔
حمزہ علی عباسی اے آر وائی ڈیجیٹل کے مقبول ڈرامہ سیریل ’پیارے افضل‘ میں اداکاری کے جوہر دکھا چکے ہیں، دیگر کاسٹ میں عائزہ خان، سوہائے علی ابڑو، انوشے عباسی، صبا حمید، فردوس جمال ودیگر نے اداکاری کے جوہر دکھائے تھے۔
