بیٹی کی طبیعت خراب ہے، لندن قیام میں توسیع کی اجازت دی جائے، حمزہ شہباز کی درخواست
The news is by your side.

Advertisement

حمزہ شہباز کو بیرون ملک مزید 14دن قیام کی اجازت مل گئی

لاہور: لاہورہائی کورٹ نے حمزہ شہباز کو بیرون ملک مزید چودہ دن کے قیام کی اجازت دے دی، حمزہ شہباز نے بیٹی کی خراب طبیعت کی وجہ سے لندن میں مزید قیام کی اجازت طلب کی تھی۔

تفصیلات کے مطابق لاہورہائی کورٹ میں جسٹس فرخ عرفان نے حمزہ شہباز کی درخواست پر سماعت کی، سرکاری وکیل کی جانب سے حمزہ شہباز کی درخواست کی مخالفت کی گئی اور مؤقف اختیار کیا گیا کہ انہیں جو وقت دیا گیا، اس میں ہی انہیں واپس آنا چاہیئے۔

حمزہ شہباز کے وکیل اعظم نذیر تارڑ نے مؤقف اختیار کیا کہ حمزہ شہباز اپنی بیٹی کے علاج کے لیے بیرون ملک ہیں، علاج کرواتے ہی واپس آ جائیں گے۔

دلائل کے بعد عدالت نے حمزہ شہباز کے بیرون ملک قیام کی مدت میں چودہ دن کی توسیع کر دی۔

اپوزیشن لیڈر پنجاب حمزہ شہباز کی جانب سے لندن قیام میں توسیع کی درخواست دائر کی گئی تھی ، وکیل نے درخواست میں مؤقف اختیار کیا تھا کہ حمزہ شہباز کی نومولود بیٹی کی طبیعت خراب ہے، بیٹی کی طبیعت ٹھیک ہوتے ہی حمزہ شہبازواپس آجائیں گے۔

درخواست میں استدعا کی گئی تھی کہ حمزہ شہباز کو 15 روز مزید لندن میں قیام کی اجازت دی جائے۔

گذشتہ روز پنجاب اسمبلی میں اپوزیشن لیڈر حمزہ شہباز کے ہاں بچی کی پیدائش ہوئی تھی ، ڈاکٹروں نے نومولود بچی کی حالت نازک قرار دیتے ہوئے بچی کو آئی سی یو میں ہی رکھنے کا فیصلہ کیا ہے۔

مزید پڑھیں : حمزہ شہباز کے ہاں بچی کی پیدائش، نومولود بچی کی حالت نازک

خیال رہے حمزہ شہباز 3 فروری کو لندن آئے جہاں انھیں 13 فروری تک رہنے کی اجازت ہے، انھیں 27 نومبر کو لندن آنا تھا، تاہم ای سی ایل میں نام ہونے کے باعث نہ پہنچ سکے تھے۔

حمزہ شہباز لاہور ہائی کورٹ کو بیرون ملک روانگی سے متعلق آگاہ کرنے کے بعد لندن کے لیے روانہ ہوئے تھے، انھوں نے اپنا نام بلیک لسٹ میں شامل ہونے کے خلاف لاہور ہائی کورٹ سے رجوع کیا تھا جس پر عدالت نے ان کا نام ای سی ایل سے نکالنے کا حکم جاری کیا تھا۔

عدالت نے حمزہ شہباز کو 10روز کے لئے بیرون ملک جانےکی اجازت دی تھی اور کہا تھا کہ حمزہ شہباز 10 دن کے بعدواپس آ کر انکوائری کا سامنا کریں ۔

واضح رہے کہ 11 جنوری 2019 کو قومی احتساب بیورو (نیب) نے چنیوٹ میں رمضان شوگر ملز کیس کا ریفرنس مکمل کرکے شہباز شریف اور حمزہ شہباز کو ملزم نامزد کیا تھا، چیئرمین نیب کی منظوری کے بعد ریفرنس عدالت میں دائر کیا جائے گا۔

Comments

comments

یہ بھی پڑھیں