site
stats
پاکستان

دس ارب روپے کی آفر کا بیان، حمزہ شہباز نے عمران خان کو 10 ارب روپے کا لیگل نوٹس بھجوا دیا

لاہور : پی ٹی آئی چیئرمین عمران‌ خان کے پاناما لیکس پر خاموش رہنے کیلئے 10 ارب روپے کی پیشکش کے بیان پر وزیراعلیٰ پنجاب کے صاحبزادے حمزہ شہبازشریف نے عمران خان کے 10 ارب روپے کا لیگل نوٹس بھجوا دیا ۔

تفصیلات کے مطابق عمران خان کا دس ارب روپے کی آفر کے بیان پر حمزہ شہباز نے عمران خان کو دس ارب روپے کا لیگل نوٹس بھجوا دیا، حمزہ شہبازشریف نے یہ نوٹس اپنے وکیل کے ذریعے بھجوایا ہے۔

جس میں موقف اپنایا گیا کہ عمران خان کا بیان جھوٹ پر مبنی ہے، بے بنیاد الزامات لگانے پر عمران خان 14 روز کے اندر میڈیا کے ذریعے معافی مانگیں اور اگر مقررہ وقت کے اندر معافی نہ مانگی تو عدالت سے رجوع کرکے ہرجانے کا دعویٰ دائر کیا جائے گا۔


مزید پڑھیں: پانامہ لیکس پر 10ارب روپے کی پیشکش ، شہبازشریف نے عمران خان کو لیگل نوٹس بھجوادی


نوٹس میں مزید کہا گیا کہ عمران خان کے بیان سے شریف خاندان کی سیاسی اور سماجی شہرت کو نقصان پہنچانے کی کوشش کی گئی ہے۔

اس سے قبل وزیراعلیٰ پنجاب شہبازشریف بھی عمران خان کو لیگل نوٹس بھیج چکے ہیں، لیگل نوٹس میں کہا گیا تھا کہ عمران خان نے پانامہ لیکس پر دس ارب روپے رشوت کی پیشکش کا بیان دیا جو سراسر جھوٹ ہے۔ عمران خان کا بیان حقیقت پرمبنی نہیں، ان کے بیان سے میاں شہباز شریف اور ان کے خاندان کو ذہنی اذیت کا سامنا کرنا پڑا۔ عمران خان کے بے بنیاد الزام سے ان کی ساکھ بری طرح متاثر ہوئی ہے

یادرہے کہ عمران خان نے دعویٰ کیا تھا کہ پاناما لیکس پر خاموش رہنے کے لیے شہبازشریف اور حمزہ شہبازشریف کے مشترکہ دوست نے اُنہیں 10 ارب روپے کی پیشکش کی تھی۔

خیال رہے کہ عمران خان کا کہنا تھا کہ اگر شہباز شریف نے عدالت میں بلایا تو پیشکش کرنےوالا کا نام بتاؤں گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top