The news is by your side.

Advertisement

حمزہ شہباز کی کابینہ کتنے ارکان پر مشتمل ہوگی؟

لاہور: وزیراعلیٰ پنجاب حمزہ شہباز کی کابینہ کا حجم کیا ہوگا؟ مسلم لیگ (ن) کے ذرائع نے بتادیا۔

ذرائع کے مطابق پنجاب کابینہ چالیس سے پچاس ارکان پر مشتمل ہوگی، پہلے مرحلے میں اتحادی جماعتوں اور نون لیگ کے اہم رہنما حلف اٹھائیں گے۔

ذرائع مسلم لیگ (ن) کا کہنا ہے کہ کل شام تک صوبائی کابینہ کے ارکان حلف اٹھالیں گے، حلف برداری کے بعد ان کو محکمے تفویض کردئیے جائیں گے۔

ادھر وزیراعلیٰ حمزہ شہباز نےحلف لینےکےبعد کابینہ پر مشاورت شروع کردی ہے، مشاورت قائد مسلم لیگ (ن) نواز شریف،شہبازشریف،جہانگیرترین ,علیم خان سےکی جائیگی۔

ذرائع کا کہنا ہے کہ کابینہ میں ترین گروپ، علیم خان گروپ اور کھوکھر برادران کو شامل کیاجائیگا جبکہ نون لیگ کی جانب سے سلمان رفیق، عظمیٰ بخاری، رانامشہود، خواجہ عمران ،بلال یاسین کی کابینہ میں شمولیت کا امکان ہے۔

واضح رہے کہ اب سے تھوڑی دیر قبل مسلم لیگ ن کے رہنما حمزہ شہباز نے وزیراعلیٰ پنجاب کے عہدے کا حلف اٹھایا تھا، اسپیکر قومی اسمبلی نے حمزہ شہباز سے حلف لیا۔

حلف برداری سےقبل چیف سیکرٹری پنجاب نےلاہور ہائی کورٹ کا فیصلہ پڑھ کر سنایا، تقریب حلف برداری میں وفاقی وزرا، اہم سیاسی شخصیات نے بڑی تعداد نے شرکت کی جبکہ مریم نواز بھی شریک ہوئیں۔

Comments

یہ بھی پڑھیں