The news is by your side.

Advertisement

حمزہ شہباز اعتماد کا ووٹ لے یا پھر دوبارہ الیکشن کروائے، فواد چوہدری

لاہور : تحریک انصاف کے رہنما فواد چوہدری نے کہا ہے کہ پنجاب کے سیاسی بحران کی وجہ سے پورا پاکستان بحران میں ہے۔

لاہور ہائیکورٹ بار میں میڈیا سے گفتگو کرتے ہوئے انہوں نے کہا کہ وزیراعلیٰ پنجاب حمزہ شہباز یا تو اعتماد کا ووٹ لے یا ہھر دوبارہ الیکشن کروائے۔

سابق وفاقی وزیر فواد چوہدری نے کہا کہ حمزہ شہباز 25 لوٹوں کا ووٹ لے کر وزیراعلیٰ بن گٸے، سپریم کورٹ کی تشریح کے بعد یہ ووٹ ہیں ہی نہیں، ہاٸی کورٹ کو اختیار نہیں کہ وہ سپریم کورٹ کے فیصلے پر سماعت کرے۔

ان کا کہنا تھا کہ یہ آسان سا نکتہ ہے مگر اس پر بحث ختم ہی نہیں ہو رہی، اس کیس کا دنوں نہیں بلکہ گھنٹوں میں فیصلہ ہونا چاہیے تھا، سپریم کورٹ کے فیصلے کے خلاف جاکر ووٹوں کو گنا نہیں جا سکتا۔

فواد چوہدری نے کہا کہ مخصوص نشستوں پر کوٸی نااہل ہو تو دوسرے نمبر پر آنے والا منتخب ہو جاتا ہے، انہوں نے کہا کہ جو الیکشن کمیشن راجہ ریاض کے دستخط سے آیا ہو وہ کیا انصاف کرے گا۔

الیکشن کمیشن نے عملی طور آٸیین کے آرٹیکل 224 کو معطل کر دیا اگر ہمارے پانچ ممبران آتے ہیں تو ہماری تعداد حمزہ شہباز سے بڑھ جاتی ہے ،یہ کس طرح ہوسکتا ہے کہ ادارہ اکثریت نہ رکھنے والے کو اقتدار میں رکھے۔

پی ٹی آئی رہنما نے کہا کہ لانگ مارچ میں غیرقانونی طور پر تشدد اورخواتین کی بے حرمتی کرنے والوں کونشان عبرت بناٸیں گے، عدالتوں کو چاہیے کہ تحریک انصاف یا ن لیگ کے مؤقف کو سن کر نہیں بلکہ قانون اور انصاف کے مطابق فیصلہ کریں۔

ان کا مزید کہنا تھا کہ ایک جماعت کے لیے ساری ساری رات عدالتیں کھلیں یا دوسروں کو خوش کرنے کے لیے فیصلے نہیں ہونے
چاہئیں، تحریک انصاف کوٸی مسلح تنظیم نہیں، ہمارے بیک ڈور رابطے نہیں بلکہ اوپن رابطے ہیں۔

Comments

یہ بھی پڑھیں