The news is by your side.

حناربانی کھر کی افغانستان کی عبوری حکومت کے نائب وزیراعظم اور وزیرخارجہ سے ملاقاتیں

کابل : وزیرمملکت خارجہ امور حناربانی کھر نے افغانستان کی عبوری حکومت کے نائب وزیراعظم اور وزیرخارجہ سے ملاقاتیں کیں۔

تفصیلات کے مطابق وزیرمملکت خارجہ امور حناربانی کھر افغانستان کے دورے پر کابل پہنچیں تو افغان عبوری حکومت کے نائب وزیراقتصادی امورعبدالطیف اور پاکستانی سفارتخانے کے افسران نے خیرمقدم کیا۔

حنا ربانی کھرنےافغانستان کی عبوری حکومت کے نائب وزیراعظم مولوی عبدالسلام حنفی اور وزیرخارجہ امیرخان متقی سے ملاقاتیں کیں۔

وزیرمملکت حناربانی کھر کی افغان وزیرخارجہ سے وفد کی سطح پر ملاقات ہوئی، ملاقات میں پاکستانی سفارتکار محمود صادق بھی موجود تھے۔

افغان میڈیا کے مطابق قیدیوں کی رہائی، مسافروں کیلئےسفرمیں آسانی، تجارت، ٹرانزٹ، تاپی، ٹی اےپی اور ریلوےلائن کے منصوبوں، سیاسی تعلقات، سیکیورٹی اور اقتصادی ترقی سے متعلق امور پر تبادلہ خیال کیا گیا۔

Comments

یہ بھی پڑھیں