The news is by your side.

Advertisement

بلوچستان عوامی پارٹی دہشت گردوں کے نشانے پر، الیکشن آفس پر دستی بم حملہ، 21 افراد زخمی، تین کی حالت تشویش ناک

دالبندین: بلوچستان کے ضلع چاغی کے شہر دالبندین میں بلوچستان عوامی پارٹی کے الیکشن آفس پر دستی بم حملہ کیا گیا، جس میں اکیس  افراد  زخمی ہوگئے ہیں، تین کی حالت تشویش ناک ہے۔

تفصیلات کے مطابق دالبندین میں نامعلوم افراد نے ایک بار پھر بی اے پی کو نشانہ بناتے ہوئے انتخابی دفتر پر دستی بم سے حملہ کر دیا، حملے میں اکیس افراد زخمی ہوگئے۔

پولیس کا کہنا ہے کہ دستی بم حملے میں زخمی ہونے والے افراد کو طبی امداد کے لیے دالبندین اسپتال منتقل کر دیا گیا ہے، واقعے میں کوئی جانی نقصان نہیں ہوا۔

پولیس نے جائے وقوعہ کو گھیرے میں لے کر تحقیقات شروع کر دی ہیں، پولیس حکام نے دھماکے کی جگہ سے ابتدائی شواہد بھی اکھٹے کر لیے ہیں۔

سانحہ مستونگ کے مزید زخمی دم توڑ گئے‘ شہدا کی تعداد 149 ہوگئی

واضح رہے کہ 16 جولائی کو مستونگ کے علاقے درینگڑھ میں بھی بلوچستان عوامی پارٹی کی کارنر میٹنگ میں خود کش دھماکے میں سراج رئیسانی سمیت 149 افراد شہید اور 186 زخمی ہوگئے تھے۔

انتخابات 2018: الیکشن کمیشن کا تمام امیدواروں کوسیکیورٹی دینے کا فیصلہ

خیال رہے کہ الیکشن کمیشن آف پاکستان کی جانب سے انتخابات میں حصہ لینے والے امیدواروں اور سیاسی قائدین کو سیکورٹی فراہم کرنے کے لیے صوبائی حکومتوں کو احکامات بھی جاری کیے جا چکے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں