چین کے جنوب مغربی صوبے گیژو میں ایک چھوٹا سا گاؤں پرندوں کے پنجرے بنانے کے لیے بے حد مشہور ہے جہاں دور دور سے لوگ ان پنجروں کو دیکھنے آتے ہیں۔
کالا نامی اس گاؤں میں یہ فن نہایت قدیم ہے اور یہاں کا تقریباً ہر گھر اس کاروبار سے منسلک ہے۔
لکڑی سے بنائے گئے یہ خوبصورت پنجرے مکمل طور پر ہاتھ سے تیار کیے جاتے ہیں۔ ان کی تیاری کے لیے بانس استعمال کیا جاتا ہے جبکہ تیار ہونے کے بعد ان پر ایک قسم کا تیل لگایا جاتا ہے جو انہیں کیڑوں سے بچا کر رکھتا ہے۔
پنجروں کی تیاری کے ساتھ اس گاؤں کے لوگ مختلف پرندے بھی پکڑتے ہیں اور ان کی پرورش کرتے ہیں۔ ان کے بنائے گئے پنجرے پورے ملک میں فروخت کے لیے بھیجے جاتے ہیں۔
اس قدیم فن کو حکومت کی سرپرستی حاصل ہے۔ سنہ 2008 میں اسے صوبے کے ثقافتی ورثے کی فہرست میں بھی شامل کیا گیا۔
Comments
- Advertisement -
