کراچی: پاکستان شوبز انڈسٹری کی معروف اداکارہ ہانیہ عامر نے اپنے انسٹاگرام اکاؤنٹ پر اچانک ایک بڑی تبدیلی کر کے مداحوں کو ورطہ حیرت میں مبتلا کردیا۔
ڈرامہ سیریل ‘کبھی میں کبھی تم’ کی اسٹار نے اپنے سوشل میڈیا ہینڈل سے گلیمرس تصاویر ہٹانے کے ساتھ ساتھ اپنی پروفائل پکچر (DP) کو ایک سادہ شناختی کارڈ (CNIC) جیسی تصویر سے تبدیل کر دیا ہے، جس کے بعد انٹرنیٹ پر بحث کا ایک نیا سلسلہ شروع ہو گیا ہے۔
ہانیہ کی جانب سے انسٹاگرام پر یہ اچانک تبدیلی ان کی ان جذباتی پوسٹ کے چند گھنٹوں بعد دیکھنے میں آئی، جس میں انہوں نے اپنی والدہ کو ایک خوبصورت خراجِ تحسین پیش کیا تھا۔
View this post on Instagram
ہانیہ عامر نے ہفتے کے آخر میں اپنے انسٹاگرام فیڈ سے بیشتر پوسٹس کو غائب کر دیا اور پروفائل پر ایک انتہائی سادہ، بغیر کسی میک اپ اور بناؤ سنگھار والی تصویر لگا دی۔ ان کے اس غیر متوقع ‘سوشل میڈیا میک اوور’ نے دیکھتے ہی دیکھتے لاکھوں فالوورز کی توجہ حاصل کر لی۔
سوشل میڈیا صارفین نے ہانیہ کی اس نئی پروفائل پکچر کے اسکرین شاٹس شیئر کرنا شروع کر دیے۔ جہاں عام طور پر لوگوں کی شناختی کارڈ کی تصاویر اچھی نہیں آتیں، مداحوں کا کہنا ہے کہ ہانیہ عامر کا ‘فیس کارڈ’ اتنا کمال ہے کہ وہ شناختی کارڈ کی تصویر میں بھی بے حد خوبصورت لگ رہی ہیں۔
عمران عباس کی فٹنس کی تصاویر وائرل، تنقید کی زد میں آگئے
کچھ صارفین کا ماننا ہے کہ یہ اداکارہ کا کوئی نیا پبلسٹی اسٹنٹ، کسی نئے پروجیکٹ کا اشارہ یا پھر محض ایک ذاتی ‘سوشل میڈیا ری سیٹ’ ہو سکتا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں