پاکستان شوبز انڈسٹری کی معروف اداکارہ ہانیہ عامر نے ایک مرتبہ پھر مداحوں کی توجہ اپنی طرف مبذول کرا لی۔
فوٹو اینڈ شیئرنگ ایپ انسٹاگرام پر ڈرامہ سیریل کبھی میں کبھی تم کی اداکارہ ہانیہ عامر نے اپنی نئی تصاویر شیئر کی ہے جس میں انہیں ساڑھی میں جلوے بکھرتے دیکھا جاسکتا ہے۔
ہانیہ نے بلیک اینڈ وائٹ تھیم میں اپنی تصاویر شیئر کی ہے، اداکارہ اپنے اس ساڑھی لک میں بے حد حسین لگ رہی ہیں، اداکارہ نے تصاویر شیئر کرتے ہوئے کیپشن میں ‘شاید’ لکھا ہے۔
View this post on Instagram
اداکارہ نے اپنی دلکش تصاویر سوشل میڈیا پر شیئر کیں تو مداح ان کی تعریف کیے بغیر نہ رہ سکے اور فوراً ہی انہیں خوبصورتی اور پسندیدگی کا سرٹیفکیٹ دے دیا۔
ہانیہ سوشل میڈیا پر اکثر پوسٹ شیئر کرتی رہتی ہیں جسے ان کے مداح بھی پسند کرتے ہیں، انہوں نے اس سے قبل بھی پوسٹ شیئر کی تھی جو وائرل ہوگئی تھی۔
واضح رہے کہ اداکارہ کا شمار اُن پاکستانی اداکاراؤں میں ہوتا ہے جن کے ڈرامے سرحد پار بھارت میں بھی بڑے ہی شوق سے دیکھے جاتے ہیں، اداکارہ کے نئے ڈرامہ سیریل ’کبھی میں کبھی تُم‘ کو بڑی مقبولیت حاصل ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں