شوبز انڈسٹری کی معروف اداکارہ ہانیہ عامر کی بھارتی ریپر بادشاہ کے ساتھ تصاویر وائرل ہوگئیں۔
فوٹو اور ویڈیو شیئرنگ انسٹاگرام پر اداکارہ ہانیہ عامر نے تصاویر شیئر کیں جس میں انہیں بھارتی ریپر بادشاہ کے ساتھ خوشگوار موڈ میں دیکھا جاسکتا ہے۔
ایک تصویر میں ہانیہ عامر بادشاہ کے ساتھ سیلفی لے رہی ہیں جبکہ دوسری جگہ ویڈیو میں وہ کسی ریسٹورنٹ میں موجود ہیں۔
ہانیہ عامر نے تصاویر شیئر کرتے ہوئے کیپشن میں لکھا کہ ’بچے خریداری کرنے گئے۔‘
View this post on Instagram
انہوں نے چند گھنٹوں قبل یہ پوسٹ شیئر کی جسے لاکھوں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
ہانیہ عامر سوشل میڈیا پر کافی متحرک رہتی ہیں اور گاہے بگاہے اپنی تصاویر، ویڈیو شیئر کرتی رہتی ہیں جسے ان کے مداح بھی پسند کرتے ہیں۔
گزشتہ دنوں بھی ہانیہ عامر نے دبئی میں سیرو تفریح کی تصاویر شیئر کی تھیں جو وائرل ہوگئی تھیں۔
View this post on Instagram
اس سے قبل پانیہ عامر کی ریپر بادشاہ کو سالگرہ کی مبارک باد سوشل میڈیا پر وائرل ہوگئی تھی۔
ہانیہ عامر نے سوشل میڈیا پر پوسٹ میں بھارتی ریپر ’بادشاہ‘ کو سالگرہ کی مبارک باد دیتے ہوئے کہا تھا کہ شہرکے سب سے برے لڑکے کو سالگرہ مبارک۔ ہانیہ عامر نے بادشاہ کے ساتھ اپنی بلیک اینڈ وائٹ تصویر بھی شیئرکی تھی۔
آدیتیہ پرتیک سنگھ جو پوری دنیا میں ’بادشاہ ‘ کے نام سے مشہور ہیں انہوں نے ہانیہ عامر کی مبارک باد کا جواب بھی گرمجوشی سے دیا تھا۔ بادشاہ نے اپنی پوسٹ میں لکھا تھا کہ شکریہ ، آپ انتہائی ٹیلنٹڈ شخصیت ہیں۔
