کراچی: شوبز انڈسٹری کی معروف اداکارہ ہانیہ عامر نے اپنی تصویر کے ساتھ دلچسپ جملے کا استعمال کرکے مداحوں کی توجہ حاصل کرلی۔
اداکارہ ہانیہ عامر نے سماجی رابطے کی ویب سائٹ انسٹاگرام پر اپنی تصویر شیئر کی جسے مداحوں کی جانب سے خوب سراہا جارہا ہے، تصویر کے ساتھ لکھے گئے کیپشن نے مداحوں کو اس پر عمل کرنے پر بھی مجبور کردیا۔
اداکارہ کی تصویر کے عقب میں ایک چھوٹی بچی بھی نظر آرہی ہے جس کے لیے اداکارہ نے لکھا کہ ’میری تصویر کو زوم کرکے دیکھیں جسے خوبصورت طریقے سے خراب کیا گیا ہے۔‘
ہانیہ عامر کی تصویر کو کچھ ہی دیر میں ایک لاکھ 75 ہزار سے زائد صارفین نے پسند کیا جبکہ متعدد لوگوں نے اس پر اپنی رائے کا اظہار بھی کیا۔
واضح رہے کہ اس سے قبل اداکارہ ہانیہ عامر نے سماجی رابطے کی ویب سائٹ انسٹاگرام پر ترک شیف براک کے ساتھ ویڈیو شیئر کی جسے مداحوں کی جانب سے خوب سراہا گیا تھا۔
ویڈیو میں ترک شیف ہانیہ عامر سے کہتے ہیں کہ وہ ان کے منفردانداز میں ڈش پلٹیں۔
ترک شیف کے کہنے پر ہانیہ عامر کوشش کرنے لگتی ہیں لیکن پھر وہ کہتی ہیں کہ ان سے نہیں ہوگا جس کے بعد ترک شیف براک باآسانی اپنے منفرد انداز میں ڈش سے کھانا ٹیبل پر نکالتے ہیں۔
ہانیہ عامر کی اس پوسٹ پر دو لاکھ سے زائد صارفین نے پسندیدگی کا اظہار کیا تھا۔
