سوشل میڈیا پر آئے دن اداکاروں اور دیگر اہم شخصیات کے ہم شکل افراد وائرل ہوتے رہتے ہیں جن میں اس حد تک مماثلت دیکھی جاتی ہے کہ دیکھنے والا ان میں آسانی سے فرق محسوس نہیں کرسکتا۔
ان ہی میں ایک پاکستان کی خوبرو اداکارہ ہانیہ عامر بھی ہیں جن کی ہم شکل لڑکی کا آج کل سوشل میڈیا پر خوب چرچا ہورہا ہے اور لوگ اپنے دلچسپ خیالات کا اظہار بھی کررہے ہیں۔
پاکستان شوبز انڈسٹری کی معروف اداکارہ ہانیہ عامر کی ہم شکل لڑکی گزشتہ چند روز سے سوشل میڈیا پر چھائی ہوئی ہے، میک اپ آرٹسٹ شائے ہولود کا تعلق سوئیڈن سے ہے جنہیں صارفین ہانیہ عامر سے مشابہہ قرار دیتے ہیں۔
اداکارہ ہانیہ عامر کا شمار پاکستان کی صف اول کی اداکاراؤں میں ہوتا ہے جنہوں نے اپنی اداکاری کے ساتھ ساتھ خوبصورتی سے بھی لوگوں کو اپنا دیوانہ بنایا ہوا ہے۔
شائے ہولود اور ہانیہ عامر کے درمیان حیرت انگیز مشابہت نے سوشل میڈیا صارفین کو حیرت میں مبتلا کیا ہوا ہے، انہوں نے چہروں کی اس بے تحاشہ مماثلت پر حیرت کا اظہار کرتے ہوئے لکھا کہ پہلی نظر میں انہیں لگا یہ لڑکی شائے ہولود نہیں بلکہ ہانیہ عامر ہی ہے۔
Is this @realhaniahehe from a parallel universe!??? pic.twitter.com/4YxMFgUOB4
— Fatima. (@thincrustgirl) December 6, 2021
