شوبز انڈسٹری کی معروف اداکارہ ہانیہ عامر نے انسٹاگرام پر معنی خیز پوسٹ شیئر کردی۔
اے آر وائی ڈیجیٹل کے ڈرامے ’عشقیہ‘ میں رومی کا مرکزی کردار نبھانے والی اداکارہ ہانیہ عامر نے فوٹو اور ویڈیو شیئرنگ ایپ انسٹاگرام پر چند تصاویر شیئر کیں جس میں انہیں خوشگوار موڈ میں دیکھا جاسکتا ہے۔
ہانیہ نے تصاویر شیئر کرتے ہوئے معنی خیز پوسٹ بھی شیئر کی جسے مداحوں کی جانب سے خوب سراہا جارہا ہے۔
View this post on Instagram
اداکارہ نے تصاویر شیئر کرتے ہوئے کیپشن لکھا کہ ’یہاں آگے بڑھنے اور درگزر کردینے میں ترقی اور پختگی ہے، اپنی ذہنی صحت کو ترجیح دیں، جو چیز آپ کو خوش کرتی ہے اس کے لیے آواز اٹھائیں۔‘
ہانیہ عامر نے لکھا کہ ’نفرت کو دل میں رکھنا ہی آپ کو کمزور کرتا ہے، جانے دو اور جیو، اپنے ماضی کے اداس ٹکڑوں کو تھامنے کے لیے زندگی بہت مختصر ہے۔‘
View this post on Instagram
ہانیہ نے کہا کہ اپنے آپ کو اٹھاؤ اور آگے بڑھو، میری دعا ہے کہ اس کو پڑھنے والے ہر کوئی آگے بڑھے اور اس کے لیے آسانی ہو۔
View this post on Instagram
واضح رہے کہ گزشتہ دنوں ہانیہ عامر کی عاصم اظہر کے کنسرٹ میں ہلہ گلہ کرنے کی ویڈیو سوشل میڈیا پر وائرل ہوگئی تھی۔
I think I’m Asim Azhar and Hania Amir as an ex. 🙂 pic.twitter.com/w1WX0l3iLG
— M. (@khanubyasa) November 29, 2021
یہاں یہ بات واضح کرنا ضروری ہے کہ ایک وقت میں عاصم اظہر اور ہانیہ عامر کی دوستی کے چرچے تھے اور انہیں ایک دوسرے کا زبردست ساتھی مانا جاتا تھا مگر چند وجوہات کی بنا کر دونوں کے تعلقات ختم ہوگئے تھے۔