پاکستان کی معروف اداکارہ ہانیہ عامر کی خاتون مداح سے ویڈیو کال پر گفتگو وائرل ہوگئی۔
سوشل میڈیا کے مختلف پیجز پر ویڈیو وائرل ہورہی ہے جس میں اداکارہ ہانیہ عامر خاتون مداح کے ساتھ ویڈیو کال پر گفتگو کررہی ہیں۔
مداح نے ہانیہ عامر اور ان کے والدین کی خیریت پوچھی اور روزے، شادی سے متعلق بھی سوال کیا۔
اداکارہ نے بتایا کہ روزے اچھے جارہے ہیں اور ساتھ ساتھ کام بھی چل رہا ہے۔
یہ پڑھیں: یشما گل نے ہانیہ عامر اور عاصم اظہر کی شادی کے سوال کا جواب دے دیا
خاتون نے ڈرامہ سیریل ’میری زندگی ہے تو‘ کی بھی تعریف کی اور سوال پوچھا کہ کیا آپ کی شادی ہوگئی؟
جواب میں ہانیہ عامر نے کہا کہ ابھی میری شادی نہیں ہوئی ہے آپ دعا کریں جس پر مداح نے انہیں اچھے نصیب کی دعائیں دیں۔
View this post on Instagram
واضح رہے کہ ہانیہ عامر اے آر وائی ڈیجیٹل کے ڈرامہ سیریل ’میری زندگی ہے تو‘ میں ’آئرہ‘ کا کردار نبھا رہی ہیں جس میں ان کے ساتھ بلال عباس ’کامیار‘ کے کردار میں جلوہ گر ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں