The news is by your side.

Advertisement

ہانیہ عامر کی مداحوں کو ’وکٹری‘ کا نشان بنانے کی ہدایت، مگر کیوں؟

کراچی: اداکارہ ہانیہ عامر نے اداکاری اور ٹک ٹاک ویڈیو بنانے کے بعد گٹار بجانا شروع کردیا جس کی تصویر سوشل میڈیا پر وائرل ہوگئی۔

تفصیلات کے مطابق اے آر وائی ڈیجیٹل کے ڈرامے ’عشقیہ‘ میں رومی کا مزاحیہ کردار نبھانے والی ہانیہ عامر نے سماجی رابطے کی ویب سائٹ اسٹاگرام پر گٹار بجاتے ہوئے تصویر شیئر کی جسے مداحوں کی جانب سے خوب سراہا جارہا ہے۔

ہانیہ عامر نے تصویر شیئر کرتے ہوئے کیپشن لکھا کہ ’جو لوگ چار دن گٹار بجانے کے بعد خود کو موسیقار سمجھتے ہیں وہ وکٹری کا نشان بنائیں۔‘ تصویر میں دیکھا جاسکتا ہے کہ ہانیہ خود بھی وکٹری کا نشان بنائی ہوئی ہیں۔

واضح رہے کہ ہانیہ عامر سماجی رابطے کی ویب سائٹ انسٹاگرام اور ویڈیو شیئرنگ ایپلی کیشن ٹک ٹاک پر کافی متحرک رہتی ہیں اور اپنی روزمرہ کی سرگرمیوں سے وقتاً فوقتاً مداحوں کو آگاہ کرتی رہتی ہیں۔

اے آر وائی ڈٰیجیٹل کے ڈرامے ’عشقیہ‘ میں ہانیہ عامر کے کردار ’رومی‘ کو مداحوں کی جانب سے بہت پسند کیا جارہا ہے، ڈرامے میں ہانیہ رمشا خان (حمنہ) کی بہن کا کردار ادا کررہی ہیں، عشقیہ میں فیروز خان، رمشا خان، گوہر خان اور شبیر جان بھی اداکاری کے جوہر دکھا رہے ہیں۔

View this post on Instagram

Ansoo baithe kaid palkon pe🥀 #ishqiya

A post shared by Hania Aamir (@haniaheheofficial) on

یاد رہے کہ اس سے قبل ہانیہ عامر کی ٹک ٹاک ویڈیو سوشل میڈیا پر وائرل ہوگئی تھی، اداکارہ کی ویڈیو پر مداحوں نے ملے جلے تبصرے کیے تھے۔

Comments

یہ بھی پڑھیں