پاکستانی ڈرامہ اور فلم انڈسٹری کی معروف اداکارہ ہانیہ عامر کا کہنا ہے کہ مجھے لڑکا مل ہی نہیں رہا۔
فوٹو اینڈ ویڈیو شیئرنگ ایپلی کیشن انسٹا گرام پر ہانیہ عامر کے انٹرویو کا ایک مختصر کلپ وائرل ہو رہا ہے جس میں اداکارہ منگنی سے متعلق سوال کا جواب دے رہی ہیں۔
ہانیہ عامر نے کہا کہ لڑکا کب ملے گا مجھے، وہ مجھے مل ہی نہیں رہا، میں اپنی پسند کے حوالے سے بہت واضح خیالات رکھتی ہوں اور میرے مداح بھی یہ جانتے ہیں۔
انہوں نے کہا کہ میں چھپا کر کچھ بھی نہیں رکھتی، کچھ بھی چاہیے ہوتا ہے اس کی مجھے واقعی میں ضرورت ہوتی ہے، پسند کے حوالے سے بالکل واضح اور سیدھی ہوں۔
View this post on Instagram
قبل ازیں ہانیہ عامر کی پشتو زبان سیکھنے کی ویڈیو سوشل میڈیا پر وائرل ہوئی تھی۔اداکارہ نے انسٹاگرام پر ایک ویڈیو پوسٹ کی تھی جس میں ان کے ہمراہ مشہور یوٹیوبر اور وی لاگر عمر خان بھی موجود تھے۔
ویڈیو میں عمر خان اداکارہ سے کہتے ہیں کہ آپ نے فلموں اور ڈراموں میں پشتو کردار تو بہت کر لیے، آئیے دیکھنے ہیں آپ پشتو بول بھی سکتی ہیں یا نہیں۔
View this post on Instagram