اسلام آباد : مسلم لیگ ن کے رہنما حنیف عباسی نے عوامی مسلم لیگ کے سربراہ شیخ رشید پر 10ارب ہرجانے کا دعویٰ دائر کردیا ہے۔
تفصیلات کے مطابق مسلم لیگ ن کے رہنما حنیف عباسی نے عوامی مسلم لیگ کے سربراہ شیخ رشید کو 10 ارب روپے کے ہرجانے کا نوٹس بھجوا دیا ہے، نوٹس میں حنیف عباسی نے مؤقف اختیار کیا ہے کہ شیخ رشید نے میڈیا پر آکر مجھ پر منشیات فروش ہونے کا الزام لگایا، شیخ رشید نے مجھ پر 10 ٹن ہیروئن حاصل کرنے کا الزام لگایا۔
نوٹس میں کہا گیا ہے کہ بے بنیاد الزام لگا کر میری سیاسی ساکھ متاثر کی گئی ہے۔
حنیف عباسی کی درخواست پر ایڈیشنل ڈسٹرکٹ اینڈ سیشن جج گلزار احمد نے شیخ رشید کو نوٹس جاری کرتے ہوئے 3 اگست کو طلب کرلیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
