The news is by your side.

Advertisement

پکڑا گیا گوشت حرام جانور کا نہیں بلکہ مضر صحت تھا

لاہور : پنجاب فوڈ اتھارٹی کی جانب سے گزشتہ ہفتے پکڑا گیا گوشت حرام جانور کا نہیں تھا بلکہ مضر صحت تھا۔

تفصیلات کے مطابق لاہورمیں گزشتہ ہفتے پنجاب فوڈ اتھارٹی کی جانب سے بیماراورمردہ جانوروں کے گوشت کا انکشاف کیاگیا۔

پنجاب فوڈ اتھارٹی نے لاہورریلوے اسٹیشن کے قریب کارروائی کی۔ جس میں یہ بات سامنے آئی تھی کہ شہر میں حرام جانوروں کے گوشت کی فروخت کا کاروبارجاری ہے۔ کارروائی کے بعد فوڈاتھارٹی حکام نے ضبط شدہ گوشت لیبارٹری تجزیے کے لئے بھجوایا۔

لیکن پنجاب فوڈاتھارٹی کا دعویٰ غلط ثابت ہوگیا اورتجزیے میں یہ بات سامنے آئی کہ ضبط شدہ گوشت حرام جانور کا نہیں تھا۔

محکمہ خوراک کے ذمہ داروں کے مطابق شہر میں چند قصابوں نے مردہ اور بیمار جانوروں کا گوشت فروخت کرنے کی مکروہ کوشش ضرورکی لیکن کہیں بھی حرام گوشت کی فروخت کےشواہد نہیں ملے۔

Print Friendly, PDF & Email

Comments

comments

یہ بھی پڑھیں