چلتی کار کی کھلی چھت سے سڑک پر پٹاخے پھینکنے کر لوگوں کو تنگ کرنے والے نوجوانوں کی ویڈیو سوشل میڈیا پر وائرل ہوگئی، جس کے بعد پولیس نے انھیں گرفتار کرلیا۔
سوشل میڈیا پر بھارتی شہر گروگرام کی ایک ویڈیو وائرل ہوئی تھی جس میں سیاہ فورڈ گاڑی کے کھلے سن روف سے نوجوانوں کا ایک گروپ پٹاخے پھوڑ رہا ہے۔ گروگرام پولیس نے گزشتہ روز تینوں افراد کو گرفتار کرلیا۔
پولیس نے کہا کہ تینوں کی شناخت وویک، جتن اور لوکیش کے نام سے ہوئی جو چلتی کار کی چھت سے پٹاخے پھوڑ رہے تھے اور انھیں وائرل ویڈیو کے بعد گرفتار کیا گیا۔
پولیس نے مزید بتایا کہ ملزمان کو بعد میں ضمانت دے دی گئی ہے جبکہ مزید تفتیش کے پیش نظر انھیں چھوڑ دیا گیا ہے۔
وائرل ہونے والی ویڈیو میں سے ایک نوجوان ایس یو وی کے آدھے کھلے دروازے سے لٹکا ہوا ہے اور گاڑی تیز رفتاری سے شہر کے گالف کورس روڈ سے گزر رہی ہے جب کہ دیگر لڑکے پٹاخے پھوڑ رہے ہیں۔
The video of bursting of firecrackers from a moving #car on Golf Course Road in Gurugram is going viral. After the video surfaced, police registered a case against unknown persons and investigation is underway.
#gurugram #Firecrackers #Video pic.twitter.com/kHwChm4zhv— Bhart Jaiswal (@JaiswalBhart) October 19, 2023
اس خطرناک اسٹنٹ کی ویڈیو سوشل میڈیا پر وائرل ہونے کے بعد پولیس حرکت میں آئی جس کے بعد تین ملزمان کو حراست میں لیا گیا۔
ایک سینئر پولیس اہلکار نے بتایا کہ سیاہ فورڈ کو قبضے میں لے لیا گیا ہے۔ کار راجپال نامی ایک شخص کی ہے، جو ملزم لوکیش کا رشتہ دار ہے۔
پولیس نے ہیڈ کانسٹیبل بلجیت سنگھ کی جانب سے شکایت دائر کرنے کے بعد کارروائی کی۔ جس میں کہا گیا تھا کہ ڈرائیور نہ صرف اپنی زندگی کو خطرے میں ڈال رہا تھا بلکہ دوسروں کی جان کو بھی خطرے میں ڈال رہا تھا۔ قانون کے مطابق کارروائی کی جانی چاہیے۔
