بھارتی کرکٹ بورڈ نے آل راؤنڈر ہاردیک پانڈیا کو سری لنکا کے خلاف ٹی ٹوئنٹی سیریز کیلئے باقاعدہ طور پر ٹیم کا کپتان مقرر کردیا ہے۔
بھارتی میڈیا رپورٹ کے مطابق بھارت میں اگلے ماہ شروع ہونے والی ٹی ٹوئنٹی سیریز کے لیے بھارتی ٹیم میں روہت شرما، کے ایل راہول اور ویرات کوہلی کو آرام دیا گیا ہے، ٹیم کی قیادت پاردک پانڈیا کریں گے جبکہ نائب کپتان سوریا کمار یادیوان کو مقرر کیا گیا ہے۔
میڈیا رپورٹس کے مطابق روہت شرما 10 جنوری کو شروع ہونے والے ون ڈے میچوں کی سیریز کے لیے بھارتی ٹیم کی کپتانی کریں گے، جس میں ٹیم کے نائب کپتان ہوں گے۔
بھارتی ٹیم کے وکٹ کیپر بیٹر ریشبھ پنٹ ٹی ٹوئنٹی اور ایک روزہ میچوں کی سیریز کے لیے ٹیم میں جگہ بنانے میں ناکام رہے جبکہ ایشان کشن کو دونوں ٹیموں میں شامل کیا گیا ہے۔
واضح رہے کہ بی سی سی آئی کی جانب سے یہ وضاحت نہیں کی گئی کہ پانڈیا کو انجری کا شکار روہت کی جگہ عارضی طور پر ٹیم کا کپتان مقرر کیا گیا ہے یا پھر وہ ٹی ٹوئنٹی ٹیم کے مستقل کپتان ہوں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں