The news is by your side.

Advertisement

حارث رؤف نے آفریدی سے ’معافی‘ مانگ لی، ویڈیو وائرل

کراچی: پی ایس ایل فائیو کے دوسرے ایلیمینٹر میں لاہور قلندرز کے فاسٹ بولر حارث رؤف کی شاہد آفریدی سے معافی مانگنے کی ویڈیو وائرل ہوگئی۔

تفصیلات کے مطابق پی ایس ایل فائیو کے دوسرے ایلیمینٹر میچ میں فاسٹ بولر حارث رؤف نے شاہد آفریدی کو آؤٹ کرنے کے بعد فوری معافی مانگی جس کی ویڈیو سوشل میڈیا پر وائرل ہوگئی۔

فاسٹ بولر حارث رؤف نے شاہد آفریدی کو صفر پر کلین بولڈ کیا تھا، کرکٹ شائقین کی جانب سے حارث رؤف کے اس اقدام کو سراہا جارہا ہے۔

واضح رہے کہ پی ایس ایل فائیو کے دوسرے ایلیمینٹر میں لاہور قلندرز نے ملتان سلطانز کو 25 رنز سے شکست دے کر فائنل میں رسائی حاصل کرلی۔

ملتان سلطانز کی ٹیم 183 رنز کے تعاقب میں 157 رنز پر ڈھیر ہوگئی، ڈیوڈ ویزے کو آل راؤنڈ کارکردگی پر میچ کا بہترین کھلاڑی قرار دیا گیا۔

یاد رہے کہ کراچی کنگز اور لاہور قلندرز کی ٹیمیں پہلی بار پی ایس ایل فائنل میں 17 نومبر (بروز منگل) کو مدمقابل آئیں گی۔

Comments

یہ بھی پڑھیں