سڈنی: بگ بیش لیگ میں قومی ٹیم کے فاسٹ بولر حارث رؤف کی ویڈیو سوشل میڈیا پر وائرل ہوگئی۔
تفصیلات کے مطابق قومی ٹیم کے فاسٹ بولر حارث رؤف نے حریف ٹیم کے بلے باز کو وکٹ کیپر کے ہاتھوں کیچ آؤٹ کرانے کے بعد جشن منانے کا نیا انداز اپنایا جس کے خوب چرچے ہورہے ہیں۔
ویڈیو میں دیکھا جاسکتا ہے کہ فاسٹ بولر نے کوویڈ 19 سیفٹی سے متعلق نیا انداز اپنایا۔
فاسٹ بولر حارث رؤف وکٹ لینے کے بعد پہلے ہاتھوں کو سینیٹائز کرتے ہیں پھر جیب سے ماسک نکال کر اسے پہنتے ہیں۔شائقین کرکٹ کی جانب سے ان کے نئے انداز کو خوب سراہا جارہا ہے۔
حارث رؤف کی ویڈیو کو کرکٹ آسٹریلیا اور میلبرن اسٹارز کی جانب سے بھی سماجی رابطے کی ویب سائٹ ٹویٹر پر شیئر کیا گیا۔
What a celebration from @HarisRauf14 🤣 😷 #TeamGreen #BBL11 pic.twitter.com/90StOOWedo
— Melbourne Stars (@StarsBBL) January 11, 2022
حارث نے حریف ٹیم پرتھ اسکورچرز کے بیٹر کو پویلین کی راہ دکھائی تھی۔
We’ve still got this celebration on repeat 🤣 😷 #TeamGreen @HarisRauf14 pic.twitter.com/gmDPgovNs6
— Melbourne Stars (@StarsBBL) January 11, 2022
یاد رہے کہ اس سے قبل بگ بیش لیگ میں حارث رؤف نے باؤنڈری لائن پر شاندار کیچ پکڑا تھا جس کی ویڈیو بھی سوشل میڈیا پر وائرل ہوگئی تھی۔