The news is by your side.

Advertisement

عمر اکمل باہر، حارث سہیل ٹیم کا حصہ بنیں گے

لاہور : پاکستان کرکٹ بورڈ نے بلے بازعمراکمل کی جگہ حارث سہیل کوآئی سی سی چیمپینز ٹرافی میں بھیجنے کا فیصلہ کر لیا ہے جس کی تصدیق انٹرنشینل کرکٹ کونسل نے بھی کی ہے۔

تفصیلات کے مطابق پاکستان کرکٹ بورڈ نے چیمپینز ٹرافی میں عمراکمل کی جگہ حارث سہیل کو بھیجنے کا فیصلہ کیا ہے جس کے لیے چیف سلیکٹر انضمام الحق نے عمرامین، حارث سہیل اور آصف ذاکر کو فٹنس ٹیسٹ کیلئے نیشنل کرکٹ اکیڈمی بلایا ہے۔

ذرائع کے مطابق حارث سہیل کو آئی سی سی چیمپینز ٹرافی میں ٹیم کا حصہ بنانے کا فیہصلہ این سی اے کے ٹرینر کی جانب سے فٹنس ٹیسٹ رپورٹ کے بعد کیا گیا جس کے تحت سہیل حارث کو مکمل فٹ پایا گیا ہے۔

ذرائع کا کہنا ہے کہ فٹنس ٹیسٹ پاس نہ کرنے کے باعث چیمپینز ٹرافی سے باہر ہونے والے مڈل آرڈربلے باز عمر اکمل جلد وطن واپس لوٹ آئیں گے اور ان کی جگہ حارث سہیل ٹیم کا حصہ بنیں گے جس کے لیے وہ ایک سے دو روز میں انگلینڈ روانہ ہوں گے۔

فٹنس ٹیسٹ پاس کرنے کے بعد میڈیا سے گفتگو کرتے ہوئے حارث سہیل نے اللہ کا شکر ادا کرتے ہوئے کہا کہ میں مکمل فٹ ہوں اوربیٹنگ و باﺅلنگ دونوں شعبوں پر محنت کی ہے جس کے باعث پورا اعتماد ہے کہ بورڈ اور پاکستانی عوام کی توقعات پر پورا اتروں گا۔

Print Friendly, PDF & Email

Comments

comments

یہ بھی پڑھیں