The news is by your side.

Advertisement

ہارون بلورکی اہلیہ کا پی کے78 سےالیکشن لڑنےکا اعلان

پشاور: عوامی نیشنل پارٹی کے شہید رہنما ہارون بلور کی اہلیہ نے پی کے 78 پشاور سے الیکشن لڑنے کا اعلان کردیا۔

تفصیلات کے مطابق پشاور خودکش حملے میں شہید ہونے والے عوامی نیشنل پارٹی کے رہنما ہارون بلورکی اہلیہ نے اپنے شوہر کے حلقہ پی کے 78 سے الیکشن لڑنے کا اعلان کیا ہے۔

ہارون بلور کے بیٹے دانیال بلور کا کہنا ہے کہ والد کی شہادت کے بعد ان کی والدہ پشاور کے حلقہ پی کے 78 سے الیکشن لڑیں گی۔

پشاورخودکش حملے کا ایک اورزخمی دم توڑ گیا‘ ہلاکتوں کی تعداد 22 ہوگئی

خیال رہے کہ 10 جولائی کو پشاور کے علاقے یکہ توت میں عوامی نیشنل پارٹی کی کارنرمیٹنگ کے دوران خودکش حملے میں ہارون بلورسمیت 21 افراد جاں بحق جبکہ درجنوں زخمی ہوگئے تھے۔

خودکش حملے کا مقدمہ تھانہ سی ٹی ڈی کے ایس ایچ او کی مدعیت میں درج کیا گیا جس میں انسداد دہشت گردی ایکٹ کی دفعات بھی شامل کی گئی ہیں۔

ہارون بلور کی شہادت، پی کے 78 پر الیکشن ملتوی

عوامی نیشنل پارٹی کے رہنما ہارون بلور کی شہادت کے بعد الیکشن کمیشن نےخیبرپختونخواہ اسمبلی کے حلقے 78 پشاور میں انتخابات ملتوی کردیے تھے۔

واضح رہے کہ اس سے قبل 22 دسمبر 2012 اے این پی کے رہنما بشیر احمد بلور کو شہید کیا گیا تھا، اس سانحے میں عوامی نیشنل پارٹی رہنما سمیت 9 افراد شہید ہوئے تھے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں