لندن: برطانیہ کے شاہی خاندان کی آنجہانی شہزادی لیڈی ڈیانا کی 60ویں سالگرہ کے موقع پر اُن کا مجسمہ نصب کردیا گیا۔
برطانوی میڈیا رپورٹ کے مطابق اس مجسمے کی تیاری کا حکم لیڈی ڈیانا کے بیٹوں شہزادہ ولیم اور ہیری نے تین سال قبل اپنی والدہ کی 20ویں برسی کے موقع پر دیا تھا، جسے شاہی محل کے اُس حصے میں نصب کیا گیا ہے جو آنجہانی شہزادی کا پسندیدہ ترین مقام میں سے ایک تھا۔
پرنسز آف ویلز کا یہ مجسمہ لندن کے کنسنگٹن محل کے سنگم میں واقع سنکم گارڈن میں نصب کیا گیا ہے، لیڈی ڈیانا اور شہزادہ چارلس کی 1981 میں ہونے والی شادی کے بعد وہ یہی رہائش پذیر تھیں۔
شاہی خاندان کی خصوصی حیثیت سے دستبردار ہونے والے ہیری نے سال 2017 میں اپنی منگیتر میگھن کے ساتھ اس مقام پر تصاویر بنوائیں تھیں۔
مجسمے کی تیاری کا حکم دینے کے موقع پر دونوں بھائیوں کا کہنا تھا کہ ’ہماری والدہ نے بہت سی زندگیوں کو بدلا، ہم امید کرتے ہیں کہ یہ مجسمہ ان افراد کی مدد کرے گا جو کنسنگٹن محل میں ان کی زندگی اور ان کی یاداشتوں کو دیکھنے آئیں گے۔‘
ہیری مجسمے کی نقب کشائی کی تقریب میں شرکت کے لیے کیلی فورنیا سے خصوصی طور پر لندن پہنچے، آج ولیم اور ہیری نے نصب مجسمے پر پڑا کپڑا ہٹا کر اس کی نقاب کشائی کی۔
رپورٹ کے مطابق یہ مجسمہ رینک براڈلے نامی آرٹسٹ نے تیار کیا، جو اس سے قبل بھی شاہی خاندان کے حوالے سے ہونے والے کئی منصوبوں میں شامل رہے ہیں۔ اس مجسمے کی تیاری اور نقاب کشائی سال 2017 میں کی جانی تھی ناگزیر وجوہات کی بنا پر اس میں تاخیر ہوئی۔
شاہی محل کی جانب سے جاری ہونے والے اعلامیے میں بتایا گیا کہ ’مجسمے کی نقب کشائی کی تقریب میں ہیری، ولیم کے علاوہ شاہی خاندان کے دیگر ارکان نے بھی شرکت کی‘۔
اعلامیے میں بتایا گیا ہے کہ ’کرونا وائرس کے باعث اس تقریب کو مختصر رکھا گیا جبکہ شاہی محل میں آج سیاحوں کی آمد و رفت بند کھی گئی‘۔
میڈیا سے گفتگو کرتے ہوئے لیڈی ڈیانا کے دونوں صاحبزادوں کا کہنا تھا کہ ’کاش وہ ہمارے درمیان موجود ہوتیں مگر افسوس کہ ایسا نہیں ہے‘۔
Prince Harry and William stand side-by-side as they unveil statue of their mother Princess Diana #Diana60 pic.twitter.com/KCMiCWJpH2
— The Sun (@TheSun) July 1, 2021
میڈیا رپورٹ کے مطابق اس تقریب کے دوران دونوں بھائی بہت ہی خوش گوار موڈ میں نظر آئے۔
