پیر, فروری 10, 2025
اشتہار

ہارورڈ یونیورسٹی میں بینظیر بھٹو لیڈرشپ پروگرام کا آغاز

اشتہار

حیرت انگیز

واشنگٹن : امریکا کی ہارورڈ یونیورسٹی میں بے نظیربھٹولیڈرشپ پروگرام کا آغازکر دیا گیا، پروگرام کا مقصد خواتین کو بااختیار بنانا ہے۔

غیرملکی خبرایجنسی کے مطابق سابق وزیراعظم بے نظیربھٹو کے کلاس فیلوز کی جانب سے بنائی گئی تنظیم کلاس اچیونگ چینج ٹوگیدر کے تحت شروع کیا گیا ہے۔

بے نظیربھٹولیڈرشپ پروگرام میں مسلمان ممالک کی خواتین کو ترجیح دی جائے گی، پروگرام کی تکمیل پر پروگرام میں شریک خواتین اپنے ممالک واپس جاکر اپنے اپنے شعبوں میں مزید بہتری اور تبدیلی کے لئے کام کریں گی۔

benezir

پروگرام کا آغازمسلمان ممالک میں قیادت آج کے دورمیں بے نظیر کیا کرتیں کے عنوان سے منعقد اجلاس سے کیا گیا، پروگرام میں لوگ دوہزاراٹھارہ میں آنا شروع ہوں گے۔

اس پروگرام کا مشاورتی بورڈ ابھی تیار کیا جا رہا ہے اور فی الحال اس میں بینظیر بھٹو کی بہن صنم بھٹو، کمل چین، سینیٹر ایل فرینکن، سابق سفیر پیٹر گیلبرتھ، کروئیشیا کی صدر کولنڈا گریبر اور سابق نائب گورنر کیتھلین کینیڈی شامل ہیں۔

واضح رہے کہ سابق وزیراعظم بینظیر بھٹو  27 دسمبر 2007 کو پنجاب کے شہر راولپنڈی میں ایک خودکش دھماکے میں شہید ہوگئی تھی ، وہ پاکستان کی دو مرتبہ وزیر اعظم رہ چکی ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں