کیدرناتھ اور سامبا کے بعد سارہ علی خان کو ایک اور فلم کی پیشکش
The news is by your side.

Advertisement

کیدرناتھ اور سامبا کے بعد سارہ علی خان کو ایک اور فلم کی پیشکش

ممبئی: فلم کیدرناتھ سے بالی ووڈ میں کیریئر کا آغاز کرنے والی سارہ علی خان کو فلم سامبا کے بعد ٹائیگر شیروف کے ساتھ مرکزی کردار ادا کرنے کے لیے پیش کش کی گئی ہے۔

بھارتی میڈیا رپورٹس کے مطابق ہدایت کار ساجد ندیاڈ والا نے فلم باغی کے تیسرے سیکوئل کے لیے سیف علی خان اور امریتا سنگھ کی بیٹی سارہ علی خان کو آفر کی ہے۔

فلم باغی کے پہلے سیزن میں اداکارہ شردھا کپور نے اداکاری کے جوہر دکھائے تھے جبکہ دوسرے سیکوئل میں اداکارہ دیشا پٹانی نے مرکزی کردار ادا کیا تھا۔

فلم کیدرناتھ میں سارہ علی خان نے ایک جوشیلی لڑکی ’مکو‘ کا کردار ادا کیا تھا جسے مداحوں کی جانب سے بے پناہ سراہا گیا تھا۔

مزید پڑھیں: ’ہندی میڈیم‘ سارہ علی عرفان خان کی بیٹی بنیں گی

رواں ماہ 28 دسمبر کو سارہ علی خان کی دوسری فلم سامبا ریلیز ہورہی ہے جس میں وہ اداکار رنویر سنگھ کے ہمراہ اداکاری کے جوہر دکھارہی ہیں، فلم کی ہدایت کاری روہت شیٹھی اور پروڈکشن کرن جوہر نے دی ہیں۔

واضح رہے کہ رنویر سنگھ اور سارہ علی خان کی ایکشن اور رومانس سے بھرپور فلم سامبا کے ٹریلر نے جہاں مقبولیت کے ریکارڈ اپنے نام کرلیے تو وہیں فلم کو چار چاند لگانے میں گانے بھی سنگ میل ثابت ہورہے ہیں۔

فلم کا پہلا گانا ’آنکھ مارے‘ ری میک کرکے پیش کیا گیا تاہم اب ایک بار پھر راحت فتح علی خان کی آواز میں ماضی کا شہرت یافتہ گانا ’تیرے بن نہیں لگدا دل میرا‘ اس فلم میں شامل کیا گیا ہے۔

Comments

comments

یہ بھی پڑھیں