The news is by your side.

Advertisement

حسن علی کا انگلش کاؤنٹی سے معاہدہ

لاہور: قومی ٹیم کے فاسٹ بولر حسن علی کا انگلش کاؤنٹی لنکاشائر سے معاہدے طے پاگیا۔

تفصیلات کے مطابق انگلش کاؤنٹی لنکا شائر نے فاسٹ بولر حسن علی کے ساتھ کاؤنٹی سیزن کے پہلے چھ میچز کھیلنے کا معاہدہ کیا ہے جس کے لیے وہ یکم اپریل کو انگلینڈ پہنچیں گے۔

حسن علی لنکا شائر کی جانب سے ڈیبیو میچ 14 اپریل کو کینٹ کاؤنٹی کے خلاف کینٹربیری میں کھیلیں گے اور لنکاشائر کو 19 مئی تک دستیاب ہوں گے۔

انگلش کاؤنٹی کے ساتھ معاہدے پر حسن علی کا کہنا ہے کہ ’خوشی ہے کہ کیریئر میں پہلی مرتبہ انگلینڈ میں کاؤنٹی کرکٹ کھیلوں گا۔‘

فاسٹ بولر نے کہا کہ مجھے اس بات کی بھی خوشی ہے کہ لیجنڈ وسیم اکرم بھی لنکاشائر کی جانب سے کھیل چکے ہیں تاہم اب میں بھی ان کے نقش قدم پر چلنے کی کوشش کروں گا۔

لنکا شائر کے ہیڈ کوچ گلین چیپل نے کہا کہ خوشی ہے کہ حسن علی کو پہلے 6 میچز کے لیے منتخب کیا ہے ان کی شمولیت سے بولنگ اٹیک مزید مضبوط ہوجائے گا۔

Comments

یہ بھی پڑھیں