The news is by your side.

Advertisement

حسن علی نے کاؤنٹی کرکٹ میں تباہی مچادی

قومی ٹیم کے فاسٹ بولر حسن علی نے کاؤنٹی کرکٹ میں تباہی مچادی جس کی ویڈیو سوشل میڈیا پر وائرل ہورہی ہے۔

تفصیلات کے مطابق کاؤنٹی چیمپئن شپ میں قومی ٹیم کے فاسٹ بولر حسن علی لنکا شائر کی نمائندگی کررہے ہیں، پچھلے میچ میں فاسٹ بولر نے 9 کھلاڑیوں کو پویلین کی راہ دکھائی تھی۔

حسن علی نے آج بھی ہمپشائر کے خلاف شاندار بولنگ کرتے ہوئے ایک ہی اوور میں دو وکٹیں حاصل کیں۔

فاسٹ بولر نے اوورز کی دوسری گیند پر انگلش ٹیسٹ کرکٹر لیام ڈوسن کو آؤٹ کیا جبکہ پانچویں بال پر بین برون کو پویلین کی راہ دکھائی۔

واضح رہے کہ ہمپشائر کی ٹیم پہلے دن مشکلات کا شکار ہے اور صرف 74 رنز پر پانچ کھلاڑی آؤٹ ہوچکے ہیں۔

اس سے قبل لنکا شائر کی جانب سے تباہ کن بولنگ پر حسن علی کا کہنا تھا کہ میرا ٹی ٹوئٹنی ڈیبیو بھی یہیں ہوا تھا اور کاؤنٹی ڈیبیو بھی یہیں ہوا ہے۔

قومی فاسٹ بولر کا کہنا تھا کہ جب آپ جیمز اینڈرسن کے ساتھ بولنگ کر رہے ہوں تو بہت اچھا لگتا ہے، مجھے یاد ہے کہ وہ گراؤنڈ میں میرے لیے تالیاں بجا رہے تھے جو میرے لیے بہت ہی یادگار لمحہ ہے۔

Comments

یہ بھی پڑھیں