قومی ٹیم کے فاسٹ بولر حسن علی نے آسٹریلیا کے خلاف کیچ چھوٹنے کی غلطی کا ازالہ بنگلہ دیش کے خلاف ٹی 20 میچ میں کردیا۔
اے آر وائی نیوز کے مطابق قومی ٹیم نے بنگلہ دیش کو پہلے ٹی 20 میچ میں سنسنی خیز مقابلے کے بعد 4 وکٹوں سے شکست دے کر تین میچوں کی سیریز میں 1-0 کی برتری حاصل کرلی۔
قومی ٹیم کے فاسٹ بولر حسن علی نے تین وکٹیں حاصل کرنے پر میچ کا بہترین کھلاڑی قرار دیا گیا۔
حسن علی نے کہا کہ کارکردگی میں اتار چڑھاؤ آتا رہتا ہے کم بیک کرکے بے حد خوش ہوں، بنگلہ دیش کے خلاف آئندہ میچز میں بھی اسی کارکردگی کا تسلسل جاری رکھوں گا۔
Player of the Match Hasan Ali reflects on his performance in the first #BANvPAK T20I#HarHaalMainCricket pic.twitter.com/ln6yRZj7GH
— Pakistan Cricket (@TheRealPCB) November 19, 2021
واضح رہے کہ ٹی 20 ورلڈ کپ کے سیمی فائنل میں آسٹریلیا کے بیٹر میتھیو ویڈ کا آسان کیچ گرانے پر حسن علی کو تنقید کا نشانہ بنایا گیا تھا۔
بعدازاں حسن علی کی حمایت میں قومی ٹیم کے سابق و موجودہ کھلاڑی سامنے اْئے تھے اور کہنا تھا کہ میچ میں کیچ چھوٹ جاتے ہیں، کرکٹ مداحوں سے زیادہ حسن علی کو کیچ چھوٹنے کا دکھ ہوا ہوگا۔
