کراچی: پاکستان سپر لیگ (پی ایس ایل) کے چھٹے ایڈیشن میں اسلام آباد یونائیٹڈ کے فاسٹ بولر حسن علی لیگ ملتوی ہونے پر افسردہ ہوگئے۔
تفصیلات کے مطابق پی ایس ایل سیزن 6 کے دوران کھلاڑیوں اور ٹیم آفیشلز کے دوران کورونا کے بڑھتے کیسز کے باعث پی ایس ایل غیر معینہ مدت تک کے لیے ملتوی کردی گئی۔
اس حوالے سے کھلاڑیوں، ماہرین اور شائقین کرکٹ کا ردعمل بھی سامنے آرہا ہے۔
اسلام آباد یونائیٹڈ کے فاسٹ بولر حسن علی نے سماجی رابطے کی ویب سائٹ ٹویٹر پر اپنے پیغام میں لکھا کہ ’نظر لگ گئی کسی کی ہماری پی ایس ایل کو۔‘
Nazar lag gi kisi ki humri PSL ko 😢
— Hassan Ali 🇵🇰 (@RealHa55an) March 4, 2021
فاسٹ بولر نے اپنے ٹویٹ میں آنکھوں سے آنسو نکلنے والا ایموجی بھی شیئر کیا۔
واضح رہے کہ پی ایس ایل سیزن 6 میں 34 میچز ہونے تھے تاہم 14 میچز کے بعد لیگ کو کرونا کیسز کے باعث غیر معینہ مدت تک کے لیے ملتوی کردیا گیا ہے۔
