برف پوش پہاڑوں کو شکست دینے والے حسن سدپارہ کی پہلی برسی -
The news is by your side.

Advertisement

برف پوش پہاڑوں کو شکست دینے والے حسن سدپارہ کی پہلی برسی

راولپنڈی: دنیا کی بلند ترین اور قاتل برفانی چوٹیوں کو اپنے عزم و ہمت سے شکست دینے والے عالمی شہرت یافتہ کوہ پیما حسن سد پارہ کی آج پہلی برسی منائی جارہی ہے۔

کوہ پیمائی کی دنیا میں تین حیرت انگیز عالمی ریکارڈ بنانے والے حسن سدپارہ گزشتہ سال خون کے سرطان میں مبتلا رہنے کے بعد موت سے شکست کھا گئے۔

حسن سدپارہ کے عالمی ریکارڈ

hussain-post-2

حسن سد پارہ کا منفرد اعزاز دنیا کی سب سے بلند چوٹی ماؤنٹ ایورسٹ کو بغیر مصنوعی آکسیجن کے سر کرنا تھا، وہ اسکردو میں پیدا ہوئے تھے اور انہوں نے اپنی کوہ پیمائی کا باقاعدہ آغاز سنہ 1999 میں نانگا پربت کو سر کر کے کیا تھا۔

hussain-post-1

سنہ 2004 میں انہوں نے دنیا کی دوسری بلند ترین چوٹی کے ٹو سر کی۔

hussain-post-3

حسن سد پارہ پہلے پاکستانی ہیں‘ جنہوں نے 8 ہزار میٹر سے بلند 6 چوٹیوں کو سر کیا ہے ۔جن میں ماؤنٹ ایورسٹ اور کے ٹو سمیت براڈ پیک، گشابرم ون، ٹو اور نانگا پربت شامل ہیں۔

hassan-1

حسن سدپارا گزشتہ سال سرطان کے موضی مرض سے لڑنے کے بعد تریپن برس کی عمر میں زندگی کی بازی ہار گئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

Comments

comments

یہ بھی پڑھیں